பொபி ஃபாரெல்

கரிபியன் நாடான நெதர்லாந்து அண்டிலிசுவில் உள்ள அருபா தீவில் ஃபாரெல் பிறந்தார். தனது 15வது அகவையில் தனது பள்ளிப்படிப்பை முடித்து இரண்டாண்டுகள் மாலுமியாகப் பணியாற்றியபோது பல நாடுகளுக்கும் சென்று சென்று, நோர்வேயில் தனது வாழ்க்கையை ஆரம்பித்தார். அங்கிருந்து நெதர்லாந்து சென்று சில காலம் நடனக்காரராகத் தொழிலை ஆரம்பித்து [[பின்னர் அங்கிருந்து செருமனி சென்றார்.

செருமனியில் அப்போது புதிதாக ஆரம்பிக்கப்பட்ட பொனி எம். என்ற பாப் இசைக் குழுவில் இணைத்துக் கொள்ளப்பட்டார். 1978 ஆம் ஆண்டில் "டாடி கூல்" என்ற தனது முதலாவது பாடல் மூலம் பொனி எம். குழு புகழ் பெற்றது. அதே ஆண்டு "றிவர்ஸ் ஒஃப் பாபிலோன்" என்ற பாடலுடன் சேர்ந்து ஐக்கிய இராச்சியத்தில் முதல் தரப் பாடலாகத் தேர்ந்தெடுக்கப்பட்டிருந்தது. பிரித்தானியாவில் மட்டும் 2 மில்லியன் இசைத்தட்டுகள் விற்கப்பட்டன.

1986 ஆம் ஆண்டில் பொனி எம். இசைக்குழு கலைக்கப்பட்டதை அடுத்து[3], ஃபாரெல் தனியே வெறு மூன்று பெண் பாடகர்களுடன் இணைந்து "Bobby Farrell of Boney M." என்ற பெயரில் தனது இசைப்பயணத்தை மேற்கொண்டார்.

பொபி ஃபாரெல் 2010, டிசம்பர் 30 இல் உருசியாவின் சென் பீட்டர்ஸ்பேர்க் நகரில் உள்ள ஒரு விடுதியில் காலமானார். இறப்பதற்கு முதல் நாள் ஒரு நடன விழாவில் தனது குழுவுடன் கலந்து கொண்டார். இறப்பிற்கான காரணம் தெரிவிக்கப்படவில்லை[4][5]. இவருக்கு ஒரு மகனும் ஒரு மகளும் உள்ளனர்.

• பொபி ஃபாரெலின் இணையத்தளம்
• இறப்புக் குறித்து ஐடிஎன் அறிக்கை