பைராம் தோட்டத் தமிழ்ப்பள்ளி (பினாங்கு)

பள்ளியின் தோற்றம் 2014

இப்பள்ளி 1905-ஆம் ஆண்டு மலாயாவில் பிரித்தானியர் ஆட்சிக்காலத்தில் அமைக்கப்பட்டது. பைராம் மீள்ம மரத் தோட்டத்தில் பணியாற்றிய தமிழர் பிள்ளைகளின் நலன் கருதி அப்போது இருந்த தோட்ட உரிமையாளரும் அவருடைய இணை உரிமையாளர் பிரான்சிசு எட்வட்டு மகுரே என்பவர்கள் பைராம் தோட்டத் தமிழ்ப்பள்ளியை அமைத்தனர்.

தொடக்கக்காலத்தில் இப்பள்ளிக்கூடம் வெறுமையாக இருந்த தோட்டப் பணியாளர்கள் மாளிகையில் செயல்பட்டது. 1959-ஆம் ஆண்டு பைராம் தோட்ட நிலங்கள் பல பகுதிகள் தோட்ட உரிமையாளர்களால் விற்கும் சூழல் ஏற்பட்டதால் பள்ளி நிலமும் சுற்றியுள்ள நிலமும் மோ லியோங் உங் என்ற சீன வணிகரால் வாங்கப்பட்டது.சில காலங்கள் கழிந்து சுமார் 3 ஏக்கர் பரப்பளவு கொண்ட நிலம் மீண்டும் பள்ளி அறங்காவலர் குழு தலைமையில் பள்ளிக்காகவே மோ லியோங் உங் இலவயமாக வழங்கினார்.

1992-ஆம் ஆண்டு பழைமையான தோட்ட பணியாளர் மாளிகையை உடைத்து அரசாங்கத்தால் அதே நிலத்தில் புதிய இரண்டு கட்டடங்கள் பள்ளிக்காக கட்டப்பட்டன.

பினாங்கு மாநிலத்திலே முதல் முறையாக அரசாங்க யூ.பி.எசார் எனும் தேர்வில் 7எ(A) பெற்ற மாணவர் பைராம் தோட்டத் தமிழ்ப்பள்ளியைச் சேர்ந்தவர் என்பது வரலாற்றுக் குறிப்பு.இப்பள்ளி மாணவர்கள் 2012,2013,2014,2015 ஆண்டுகளிள் மாநில அளவில் நடைபெற்ற திடல் தடப் போட்டிகளில் பங்கு பெற்று பல முறை தங்கம் வெள்ளி பதங்களைப் பெற்றுள்ளனர்.

2015-பினாங்கு மாநில தமிழ்ப்பள்ளிகளுக்கான திடல் தடப் போட்டியில் 200மீ 100மீ நம்பிகை நட்சத்திரம் வெற்றி மாணவி அனிசா