புதுமைப்பித்தன் கதைகள் (நூல்)

புதுமைப்பித்தன் கதைகள் என்னும் நூல் ஒரு சிறுகதைத் தொகுப்பாகும். இந்நூலின் தொகுப்பாசிரியர் எம். வேதசகாயகுமார் இத்தொகுப்பு புதுமைப்பித்தனின் 103 சிறுகதைகளைக் கொண்ட முழுமையான தொகுப்பாகும். புதுமைப்பித்தன் பதிப்பகத்தாரால் இதன் முதல் பதிப்பு 2002 ஆம் ஆண்டும் 2008 ஆம் ஆண்டில் மறுபதிப்பும் வெளியிடப்பட்டது.

புதுமைப்பித்தன் கதைகள்

புதுமைப்பித்தன் கதைகள்
நூலாசிரியர்	எம். வேதசகாயகுமார் (தொகுப்பு)
நாடு	இந்தியா
மொழி	தமிழ்
வகை	சிறுகதைத் தொகுப்பு
வெளியீட்டாளர்	புதுமைப்பித்தன் பதிப்பகம்
வெளியிடப்பட்ட திகதி	2002 (முதல் பதிப்பு)
பக்கங்கள்	800

இந்நூல் புதுமைப்பித்தனின் மனைவி கமலா விருத்தாசலத்துக்கு அர்ப்பணிக்கப்பட்டுள்ளது. புதுமைபித்தன் கதைகள் - சில ஆய்வுக் குறிப்புகள் எனத் தலைப்பிடப்பட்ட ஆசிரியரின் முன்னுரை புதுமைப்பித்தனின் கதைகளை அடையாளங்காண எடுத்துக் கொள்ளப்பட்ட முயற்சிகளையும் ஆதாரங்களையும் விளக்குகிறது. முன்னுரையைத் தொடர்ந்து 103 சிறுகதைகளும் வரிசையாக இடம்பெற்றுள்ளன. அட்டையின் பின்புறம் எழுத்தாளர் ஜெயகாந்தனின் உரை இடம்பெற்றுள்ளது.

புதுமைப்பித்தனின் சிறுகதைகளின் தொகுப்புகள் பல, வெவ்வேறு ஆசிரியர்களால் தொகுக்கப்பட்டு வெவ்வேறு பதிப்பகத்தாரால் வெளியிடப்பட்டுள்ளன.