பில்லா 2 (திரைப்படம்)

பில்லா 2 என்பது 2012 இல் வெளிந்த ஒரு தமிழ்த் திரைப்படம். அஜீத் குமார் நடித்த இப்படத்தை சக்ரி இயக்கினார். ஒரு சாதாரண மனிதனான டேவிட் பில்லா என்பவர் எப்படி ஒரு பன்னாட்டுக் கொள்ளைக்காரனாக மாறினார் என்பதே இத்திரைப்படத்தின் கதை.

பில்லா 2
இயக்கம்	சக்ரி
தயாரிப்பு	எல். சுரேஷ் ஜார்ஜ் பையஸ்,சுனிர் கிதிரப்பா
கதை	சக்ரி
இசை	யுவன் ஷங்கர் ராஜா
நடிப்பு	அஜித் குமார் பார்வதி ஓமனகுட்டன் புரூனா அப்துல்லா பிரபு கணேசன்
ஒளிப்பதிவு	ஆர். டி. ராஜசேகர்
கலையகம்	ஒய்டு ஆங்கில் கிரியேசன்ஸ் இன் என்டெர்டெயின்மென்ட்
நாடு	இந்தியா
மொழி	தமிழ்

இது 2007 வெளிவந்த பில்லா திரைப்படத்தின் தொடர்ச்சியாகும். துணை பாத்திரங்களில் வரும் பார்வதி ஓமனகுட்டன், பருண அப்துல்லா, வித்யுத் ஜம்வல் மற்றும் சுதந்ஷு பாண்டே ஆகியோர் இப்படத்தினால் தமிழ் திரையுலகிற்கு அறிமுகமாகினர்.

ராஜசேகர் ஒளிப்பதிவினை கையாண்டார் மற்றும் சுரேஷ் அர்ஸ் தொகுப்பாளராக பணியாற்றினார். படத்தின் இசையமைப்பாளர் யுவன் ஷங்கர் ராஜா ஆவார். பில்லா 2 RED EPIC கேமரா மூலம் படம்பிடிக்கப்பட்ட முதல் இந்திய தயாரிப்பாகும், இது ஹிந்துஜா குழுமத்தின் இன் எண்டர்டெய்ன்மெண்ட் நிறுவனத்துடன் இணைந்து வைட் ஆங்கிள் கிரியேஷன்ஸ் தயாரித்த திரைப்படமாகும்.