பார்ண் படி

பார்ண் படியில் கடை என்பது பார்ண் படி விளையாடுவதற்குத் தேவையான பொருட்களைக் கொள்வனவு செய்வதற்கு உதவுகின்றது. இதற்காக நாணயங்களையும் கடன்களையும் பயன்படுத்த முடியும்.

பார்ண் படியில் பயிர்களை நட்டு அறுவடை செய்ய முடியும்.

இப்பயிர்களைக் குறிப்பிட்ட காலத்தினுள் அறுவடை செய்யாவிடின் அவை வாடிப் போய் விடும் என்பதும் குறிப்பிடத்தக்கது.

பார்ண் படியில் பூக்களை நாணயங்களுக்கும் விசேட பூக்களைக் கடன்களுக்கும் வாங்க முடியும்.

பார்ண் படியில் நாணயங்கள் மூலமும் கடன்கள் மூலமும் மிருகங்களை வாங்க முடியும்.

பார்ண் படியில் சில உயிரினங்களைத் துடைப்பதன் மூலம் அனுபவத்தைப் பெற்றுக் கொள்ள முடியும்.

கடை மூலம் தானியக் களஞ்சியங்கள், பெயர் அடையாளங்கள், வைக்கோற்கேடு போன்றவற்றை வாங்கிப் பண்ணையை அலங்கரிக்க முடியும். மேலும் பின்னணிகளையும் மாற்றி அமைக்க முடியும்.

கடையில் டோமோ என்னும் கேலிச்சித்திரக் கதாபாத்திரத்தையும் வாங்க முடியும்.

ஏனையவை என்னும் தத்தலில் வலிமையான உரத்தைப் பெற்றுக் கொள்ள முடியும். இது பயிர்களின் வளரும் நிலையை 50 சதவீதத்தால் குறைக்கக்கூடியது.

பார்ண் படியில் ஒரு குறிப்பிட்ட காலத்தில் மட்டும் பெறக்கூடியதாக வரையறையுள்ள பதிப்புகளும் வழங்கப்படுவதுண்டு.

விளையாடுபவர் அறுவடை செய்த பொருள்களை விற்பதற்குச் சேமிப்புவீடு பயன்படுத்தப்படுகின்றது.

பார்ண் படியில் அடைவுகளைப் பெறுவதன் மூலம் அனுபவத்தையும் கடன்களையும் பெற்றுக் கொள்ள முடியும். இதற்கென பார்ண் படி ஆட்டத்தில் குறிப்பிடப்பட்டுள்ள சில பணிகளை முடிக்க வேண்டும்.