பவுல் பியா

பவுல் பியா (Paul Biya, இயற்்பெயர்: பவுல் பார்த்தலெமி பியா பை முவோன்டோ, பெப்ரவரி 13, 1933) நவம்பர் 6, 1982 முதல் தொடர்ந்து ஆறு முறை கமரூனின் குடியரசுத் தலைவராக இருந்து வரும் அரசியல்வாதி ஆவார்.[2][3] தெற்கு கமரூனின் முவோமெக்காவில் பிறந்த பியா 1960களில் குடியரசுத் தலைவர் அகமதௌ அஹிட்ஜோவின் தலைமையில் அரசு அதிகாரியாக விரைவான முன்னேற்றம் கண்டார். 1968 முதல் 1975 வரை குடியரசுத் தலைவரின் தலைமைச் செயலாளராகவும் பின்னர் கமரூனின் பிரதமராக 1975 முதல் 1982 வரையும் பணியாற்றினார். 1982ஆம் ஆண்டில் அஹிட்ஜோவின் திடீர் பதவி விலகலை அடுத்து குடியரசுத் தலைவராக பொறுப்பேற்ற பியா 1983-84 காலகட்டத்தில் தனது அதிகாரத்தை நிலைநாட்டிக் கொண்டார்.

பவுல் பியா
மெட்ரோபாலிட்டன் கலை அருங்காட்சியகத்தில் பியா (2009)
கமரூன் குடியரசுத் தலைவர்
பதவியில் உள்ளார்
பதவியேற்பு 6 நவம்பர் 1982
பிரதமர்	பெல்லோ பௌபா மைகாரி லூக் அயாங் சடௌ ஹயாடௌ சைமன் அச்சிடி அச்சு பீட்டர் மஃபானி முசோஞ்ஜ் எப்ரைஹ்ம் இனோனி பிலெமோன் யாங்
முன்னவர்	அகமதௌ அஹிட்ஜோ
கமரூன் பிரதமர்
பதவியில் 30 சூன் 1975 – 6 நவம்பர் 1982
குடியரசுத் தலைவர்	அகமதௌ அஹிட்ஜோ
முன்னவர்	Simon Pierre Tchoungui (East Cameroon) Salomon Tandeng Muna (West Cameroon)
பின்வந்தவர்	பெல்லோ பௌபா மைகாரி
தனிநபர் தகவல்
பிறப்பு	13 பெப்ரவரி 1933 (1933-02-13) முவோமெக்கா, பிரெஞ்சு கமரூன் (தற்போதைய கமரூன்)
அரசியல் கட்சி	People's Democratic Movement
வாழ்க்கை துணைவர்(கள்)	Jeanne-Irène Biya (Before 1992) Chantal Vigouroux (1994–present)
படித்த கல்வி நிறுவனங்கள்	National School of Administration Paris Institute of Political Studies
சமயம்	Roman Catholicism[1]

1980களில் ஒருக்கட்சி அரசியல்முறையில் பல சீர்திருத்தங்களைக் கொண்டு வந்தார். 1990களில் எழுந்த எதிர்ப்புகளுக்கிணங்க பல கட்சி அரசியலை அறிமுகப்படுத்தினார். 1992ஆம் ஆண்டில் நடந்த குடியரசுத் தலைவர் தேர்தலில் குறைந்த வாக்கெண்ணிக்கையில் தேர்வான பியா 1997, 2004 மற்றும் 2011ஆம் ஆண்டுகளில் நடந்த தேர்தல்களில் வெற்றி பெற்று ஆட்சியில் உள்ளார். இந்த தேர்தல்களில் அனைத்திலுமே முறைகேடுகள் நடந்துள்ளதாகவும் ஏமாற்றி பதவியில் உள்ளதாகவும் எதிர்க்கட்சிகளும் மேற்கத்திய அரசுகளும் குற்றஞ்சாட்டுகின்றனர்.

கமரூனின் முன்னாள் காலனித்துவ நாடான பிரான்சுடன் மிக அண்மித்த தொடர்பை பியா பராமரித்து வருகிறார்.