பழப்பாகு

பழப்பாகானது பழசாற்றில் உள்ள பெக்டின் என்ற சத்துடன், சர்க்கரை, சிட்ரிக் அமிலம் ஆகியவற்றைச் சேர்த்து கொதிக்க வைத்து கெட்டிப்டுத்தபட்டது ஆகும்.

பல வகை பழப்பாகு தயாரிக்கும் முறை

• ஆப்பிள் - 1
• கொய்யா - 2
• பப்பாளி பழம் - 1
• வாழைபழம் - 1
• ஆரஞ்சு - 1
• திராட்சை - 1/4 கிலோ
• சப்போட்டா - 2
• அன்னாச்சி பழம் - 1
• சர்க்கரை - 3/4 கிலோ
• சிட்ரிக் அமிலம் - 1/4 தேக்கரண்டி

எல்லா பழங்களையும் சேர்த்து கூழாக்கி 1 கிலோ அளவு ஆக்கி கொள்ளவேண்டும். இக்கூழுடன் சர்க்கரை சேர்த்து அளவான தீயில் வேகவிடவேண்டும். பழப்பாகு கெட்டியாகி பதம் வரும் தருவாயில் சிட்ரிக் அமிலம் சேர்த்து கலக்க வேண்டும். பின்பு ஒரு கரண்டியில் பழபாகுவை எடுத்து வழிய விடும்பொழுது பழப்பாகு தாள்போன்று விழந்தால் பழபாகு பதம் வந்துவிட்டது என்று தெரிந்து கொள்ளலாம். பதம் வந்தவுடன் அடுப்பில் இருந்து இறக்கிவிட வேண்டும். பின்பு கிருமி நீக்கம் செய்யப்பட்ட கண்ணாடிக் குப்பியில் நிரப்பி சேமித்துக் கொள்ளவேண்டும். பழக்கூழ் புளிப்பாக இருந்தால் முக்கால் பங்கு சர்க்கரைக்கு பதிலாக ஒரு பங்கு சர்க்கரை சேர்த்து பழப்பாகு தயாரிக்கவேண்டும்.[1]