பரமனையே பாடுவார்
"பரமனையே பாடுவார் அடியார்க்கும் அடியேன்" - திருத்தொண்டத்தொகை.
- "தொகுத்த வடமொழி தென்மொழி யாதொன்று தோன்றியதே
- மிகுத்த இயலிசை வல்லவகையில் விண்தோயுநெற்றி
- வகுத்தமதிற் தில்லை அம்பலத்தான் மலர்ப்பாதங்கள்மேல்
- உகுத்த மனத்தொடும் பாடவல்லோ ரென்ப உத்தமரே" - திருத்தொண்டத் திருவந்தாதி
தென் தமிழும் வடமொழியும் ஏனைய திசைமொழியும் ஆகியவற்றில் இறைவனையே பொருளாகக் கொண்டு இயற்றப்பட்ட இயல் இசைப் பாடல்களை ஒன்றிய மெய்யுணர்வினோடும் இசைகற்கும் வகையால் உள்ளம் உருகிப்பாடும் அடியார்கள் பரமனையே பாடுவார் ஆவார்கள்.
திருத்தொண்டர் புராணசாரம்
- அருந்தமிழ் வடகலையால் அருளால் ஒன்றால்
- அறிவுநெறி மருவும் அருங்கவிகள் யாவும்
- திருந்திய வானவர் பணிய மன்றுள் ஆடும்
- தேவர் பிரான் கழலினையே சேரஓதி
- விரிந்திடு நாவுடையார் பயன் மேவினார் தாம்
- மேலானோம் என மகிழ்ந்து விழிநீர் சோரப்
- பரிந்தருளால் பரமனையே பாடவல்ல
- பான்மையர் எமை ஆளும் மேன்மையாரே
நுண்பொருள்
பெருமானுக்கு பாடல் உகந்த அருச்சனையாதலால் பாடி மகிழுதல் பெரும் பாக்கியமாம்.
- தென்தமிழும் வடகலையும் தேசிகமும் பேசுவன
- மன்றிடை நடம்புரியும் வள்ளலையே பொருளாக
- ஒன்றிய மெய்யுணர்வோடும் உள்ளுருகிப்பாடுவார்
- பன்றியுடன் புள்காணாப் பரமனையே பாடுவார் - பெரியபுராணம்
உசாத்துணைகள்
- பெரிய புராணம் வசனம் - சிவதொண்டன் சபை, யாழ்ப்பாணம்
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.