பக்கசார்பு

புள்ளியியலில் தரவு தொகுத்தல், பகுப்பாய்வு, அறிவித்தல் ஆகியவற்றில் பக்கசார்பு அல்லது ஒருதலைச் சார்பு காணப்படலாம்.

ஊடகத் துறையில் தான் சார்ந்துள்ள மதம், இனம், மொழி, கொள்கை போன்ற வேறுபாடுகள் காரணமாக நிருபர்கள், இதழாளர்கள் ஒருதலைப்பட்சமாகச் செயல்பட வாய்ப்புண்டு.

மருந்தியல் துறையில் ஒரு மருந்தை மருந்துப்போலியுடன் ஒப்பீட்டாய்வு செய்யும் போது ஆய்வாளர் முதலிலேயே எது மருந்து எனவும், எது மருந்துப் போலி எனவும் அறிந்திருப்பாராயின் அவரையும் அறியாமல் அவர் மருந்து நல்ல விளைவை ஏற்படுத்துவதாக அறிக்கை தர வாய்ப்பு உள்ளது. எனவே இரட்டைக் குருடாக்கம் (double blinding) எனும் முறை பின்பற்றப்படுகிறது. இதன் படி நோயாளிக்கும் ஆய்வாளருக்கும் சோதனையில் இருப்பது மருந்தா அல்லது மருந்துப் போலியா என்பது தெரியாமல் இருக்குமாறு செய்யப்படும்.