நீலப்பசு
அமைப்பு
தோல் உயர்ந்தும், இடுப்பு தாழ்ந்தும் இருக்கும். ஆண் ஏறக்குறைய 4 அடி உயரமிருக்கும். பெண் மிகச்சிறியது. பெண் கபில நிறத்தில் இருக்கும். முதிர்ச்சியடைந்த காளை கருஞ்சாம்பல் நிறமாக இருக்கும். கால்களிலே வெள்ளை நிற வளையமும் கன்னத்திலே இரண்டு வெள்ளைப் புள்ளிகளும் இருக்கும். உதடு, மோவாய், காதின் உட்புறம், வாலின் அடிப்பகுதியும் வெண்மையானவை.
வாழிடம்
அடர்ந்த காடுகளில் இருப்பதில்லை. சிறிதளவே மரங்களுள்ள குன்றுகளிலும், சமமான அல்லது சிறிது தூரம் உயர்ந்தும் உள்ள புல்வெளிகளிலும் வாழும். பயிர் நிலங்களில் புகுந்து சேதம் விளைவிப்பதுண்டு.
உணவு
புல்லையும், இலை கனி ஆகியவற்றையும் மேயும். இலுப்பைப் பூவை விருப்பத்துடன் தின்னும். சாதாரணமாக 4-10 மாடுகள் சிறு மந்தைகளாக உலவும். சில மந்தைகளில் 20 கூட இருப்பதுண்டு. எல்லாக்காலங்களிலும் கன்று போடும். கர்ப்ப காலம் 8-9 மாதம்.
பகுப்பு 1. கரூர் மாவட்ட ஆசிரியர்கள் எழுதிய கட்டுரைகள்
- கலைக்களஞ்சியம் தொகுதி 4
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.