தீனா அம்பானி

மும்பையில் பிறந்த தீனா முனீம் குஜராத் ஜெயின் குடும்பத்தைச்சேர்ந்த நந்த்குமார் மற்றும் மீனாட்சி முனிம் ஆகியோரின் ஒன்பதாவது குழந்தை. 1975 ஆம் ஆண்டு மும்பையில் உள்ள கர் நகரில் உள்ள எம். எம். பியுப்பில்ஸ் ஓன் பள்ளியில் படிப்பை முடித்தார். அதே ஆண்டில், ஃபெமினா பதின் இளவரசி இந்தியா 1975 போட்டியில் முதலிடம் வந்தார். அரூபாவில் நடந்த பதின் அழகுப்போட்டியில் மூன்றாவது இடம் பெற்றார்.[3] பின்னர் அவர் ஜெய் ஹிந்த் கல்லூரியில் இளங்கலைப் பட்டம் பெற்றார். பின்னர் 1970 களில், இந்தித் திரைப்படத் துறையில் சேர்ந்தார். பத்து வருட காலம் வெற்றிகரமான நடிகையாக வலம் வந்தார்.

1991 ஆம் ஆண்டு பிப்ரவரியில் அவர் ரிலையன்ஸ் இன்டஸ்ட்ரீசை நிறுவிய திருபாய் அம்பானியின் மகனான அனில் அம்பானியை மணந்தார். இவர்களுக்கு இரண்டு மகன்கள்; அன்மோல் டிசம்பர் 1991 இல் பிறந்தார், அன்சுல் 1995 செப்டம்பரில் பிறந்தார்.