தரு

1. பிரவேசிக்க தரு :- நாட்டிய நாடகத்தின் ஆரம்பத்தில் உறுப்பினர்களை அறிமுகப்படுத்தும் வகையில் அமையும் பாடல்.

2.வர்ணனைத் தரு :- ஒரு நிகழ்ச்சி, இயற்கைக் காட்சி, ஒருவரின் பண்பு, ஆகியவற்றில் ஒன்றை வர்ணிப்பதாக அமைந்துள்ள பாடல். உ+ம் : இராம நாடகத்தில் மோகன இராகத்தில் அமைந்துள்ள கல்யாணத் தோகை அடித்த எனத் தொடங்கும் பாடல் சீதா தேவியின் திருமண நிகழ்ச்சிகளை சித்தரித்துக் காட்டுகின்றது.

3. சம்வாதத் தரு :- இருவருக்குள் நடக்கும் வாக்குவாதத்தை சாகித்தியத்தில் கொண்டிருக்கும் பாடல். உ+ம் : இராமநாடகத்தில் கல்யாணி இராகத்தில் மண்ணில் மெத்த அரசக்கோன் எனத் தொடங்கும் பாடல். இதில் இராமனுக்கும் பரசுராமனுக்கும் நடக்கும் தர்க்கத்தை விவரிக்கின்றது.

4. ஸ்வாகதத் தரு :- தனக்குத் தானே உரையாடிக் கொள்ளும் விதத்தில் அமைந்துள்ள பாடல்.

5. உத்தர பிரதி உத்தர தரு :- இருவருக்குள் நடக்கும் உரையாடலை சித்தரிக்கும் வகையில் அமைந்துள்ளது.

6. ஜக்கினித் தரு :- சாகித்தியத்தின் முதல் பகுதியில் ஜதிகளையும் அடுத்த பகுதியில் வார்த்தைகளையும் கொண்டு மத்திம காலப் பிரயோகங்களையும் கொண்டு அமைந்துள்ள தருக்கள் ஆகும்.

7. கோணங்கித் தரு :- தெய்வீகக் கோமாளி இசைக்கும் பாடல் கோணங்கித் தரு ஆகும். உ+ம் : தெய்வீகக் கோமாளி

8. கோலாட்டத் தரு :- கோலாட்டம் ஆடும் போது இசைக்கும் பாடல் கோலாட்டத் தரு ஆகும்.