ஜொனிதா காந்தி

 புது தில்லியைப் பிறப்பிடமாகக் கொண்ட, ஜொனிதா, தன் ஏழு வயதில்  கனடா செல்ல நேர்ந்ததுடன், அங்கு டொராண்டோ மற்றும் பிராம்ப்டனில் வாழ்ந்து வந்தார்.[4] அவரது தந்தை ஒரு தொழில்முறை மின்னணுப் பொறியாளர் எனினும், பொழுதுபோக்கு இசைக்கலைஞராக விளங்கியதால், சிறுவயதிலேயே ஜொனிதாவின் திறமையைக் கண்டறிந்து அவரை உற்சாகப்படுத்தி வந்தார்.  1995 இல் டொராண்டோவில் நிகழ்ந்த அவரது தந்தையின் நத்தார் இசை நிகழ்வே, ஜொனிதாவின் முதலாவது இசை நிகழ்வாக அமைந்தது. சுகாதார அறிவியல் மற்றும் வணிகத்தில் பட்டப்படிப்பை முடித்த ஜொனிதா, பாடுவதிலேயே அதிக ஆர்வம் காட்டி வந்தார்.  மேற்கத்திய பாரம்பரிய இசையில் மட்டுமன்றி, இந்துஸ்தானி இசையிலும் அவர் எடுத்து வந்த பயிற்சி அவரது இசை வாழ்க்கையைத் தொடங்க பேருதவி புரிந்தது.[5][6]

ஜொனிதா காந்தி 17 வயதில் இணையத்தில் பதிவேற்றிய காணொளிகள் அவருக்குப் பெரும்புகழை ஈட்டிக்கொடுத்தது. சென்னை எக்ஸ்பிரஸ் திரைப்படத்துடனேயே அவரது திரையுலகப் பயணம் ஆரம்பமானது.[7] தொடர்ச்சியாகப் பல திரைப்படங்களில் பாடிய ஜொனிதா, ஏ.ஆர்.ரகுமானுடன் ஓர் இந்தித் திரைப்படத்தில் பணியாற்றக் கிடைத்த வாய்ப்பை அடுத்து, தமிழ்த் திரையுலகிலும் காலடி எடுத்து வைத்தார்.  மணி ரத்னம்' இயக்கிய ஓகே கண்மணி அவரது முதலாவது தமிழ்ப்பாடல் இடம்பெற்ற திரைப்படமாக அமைந்தது. 

ஜொனிதா பாடிய முக்கியமான சில பாடல்கள் பட்டியல்

• ஜொனிதாகாந்தியின் இணையதளம்