ஜேம்சு ஆர்கிரீவ்ஸ்
ஜேம்சு ஆர்கிரீவ்சு (James Hargreaves:1720 – 1778[2]). இங்கிலாந்தைச் சேர்ந்த நெசவாளர்; தச்சர் மற்றும் கண்டுபிடிப்பாளர். 1764 இல் நூற்கும் ஜென்னி என்ற இயந்திரத்தைக் கண்டறிந்தவர்.[3] எழுதவும் படிக்கவும் தெரியாத ஆர்கிரீவ்சு கண்டறிந்த இவ்வியந்திரம் தொழிற்புரட்சியின் பொழுது நெசவுத் துறையில் பெரிய மாற்றத்தை ஏற்படுத்தியது.[4] இதே நேரத்தில் தாமசு ஹை என்பவரும் நூற்கும் ஜென்னியைக் கண்டறிந்தார்.[5] ஆனால் ஆர்கிரீவ்சு சுழலும் அச்சில் இயங்கும் விதமாக இக்கருவியை மேம்படுத்தினார்.[6] ஆர்கிரீவ்சு இதற்கான காப்புரிமையைப் பெறாமலேயே இக்கருவியினை விற்பனை செய்தார். பிற நெசவாளர்களின் பொறாமை காரணமாக இவரின் வீடு மற்றும் நூற்கும் ஜென்னி இயந்திரங்கள் அடித்து நொறுக்கப்பட்டது.[4] இதனால் ஆர்கிரீவ்சு நாட்டிங்காம் சென்று குடியேறினார்.
| ஜேம்சு ஆர்கிரீவ்சு | |
|---|---|
 | |
| பிறப்பு | cir 1720 Knuzden Brook, Oswaldtwistle, Lancashire, England |
| இறப்பு | 1778 (அகவை 57–58) |
| தேசியம் | பிரித்தானியர் |
| அறியப்படுவது | நூற்கும் ஜென்னி |
| வாழ்க்கைத் துணை | Elizabeth Grimshaw (தி. 1740)[1] |
| பிள்ளைகள் | 13[1] |
ஜேம்சு ஆர்கிரீவ்சின் தொழில்நுட்பத்தைப் பயன்படுத்தி பிறர் இவ்வியந்திரங்களை உற்பத்தி செய்தனர். ஆனால் அதற்கான தொகை இவருக்கு வழங்கப்படவில்லை. ஏழ்மையான நிலையில் வாழ்ந்த ஆர்கிரீவ்சு 1778 இல் மறைந்த போது 20,000 நூற்கும் ஜென்னிகள் பிரித்தானியாவெங்கும் புழக்கத்தில் இருந்தன.[6]
மேற்கோள்களும் குறிப்புகளும்
- "James Hargreaves Family". Geocities.ws. பார்த்த நாள் 2012-05-29.
- "James Hargreaves, or James Hargraves (English inventor)- Britannica Online Encyclopedia". Britannica.com. பார்த்த நாள் 2012-05-29.
- "Spinning Jenny". பார்த்த நாள் நவம்பர் 25, 2012.
- "James Hargreaves". பார்த்த நாள் நவம்பர் 25, 2012.
- "James Hargreaves and the Spinning Jenny" -page 1. பார்த்த நாள் நவம்பர் 25, 2012.
- "Spartacus Educational". பார்த்த நாள் நவம்பர் 25, 2012.