சூறாவளி ஹையான்

புயல் பாதிப்பில் சுமார் 7.50 லட்சம் பேர் வீடுகளை இழந்தும், 1,200-க்கும் அதிகமானோர் இறந்துள்ளதாகவும் தகவல்கள் வெளியாகியுள்ளன [2][3]

ஹையான் புயல் கரையைக் கடந்தபோது, இப்புயலின் மையப்பகுதியில் மணிக்கு 235 கி.மீ. வேகத்திலும், மேலே உந்தும் சக்தி மணிக்கு 275 கி.மீ. வேகத்திலும் வீசியதாக வானிலை ஆய்வு மைய அதிகாரிகள் தெரிவித்துள்ளனர்.[4] ஹையான் புயல் கடந்து சென்ற பகுதிகளில் இருந்த 70 முதல் 80 சதவீதம் வரையிலான வீடுகளும், கட்டடங்களும் கடுமையாக சேதமடைந்துள்ளன. ஹையான் புயலின் வேகம் அமெரிக்காவில் வீசும் கடும் புயல்களில் 4-ம் வகைக்கு இணையானதாக அமைந்துள்ளது.[5]

இந்தப் புயலால் சுமார் ஒரு கோடி மக்கள் பாதிக்கப்பட்டுள்ளதாகவும், 6,60,000 பேர் வீடுகளை இழந்துள்ளதாகவும் ஐ.நா. மதிப்பிட்டுள்ளது[6]

வியத்நாமில் தாழ்வான பகுதிகளில் வசிக்கும் சுமார் 6 லட்சம் மக்கள் வாழ்விடங்களை விட்டு வெளியேற்றப்பட்டு, பாதுகாப்பான பகுதிகளில் தங்கவைக்கப்பட்டுள்ளனர்.

ஹையான் புயல் சீனாவில் கரையைக் கடக்கவிருப்பதால், அந்நாட்டில் செம்மஞ்சள் நிற எச்சரிக்கைக் கொடி ஏற்றப்பட்டுள்ளது. இது சீனாவின் இரண்டாவது மிகப்பெரிய அபாய எச்சரிக்கையாகும்.

இந்த ஆண்டில் சீனாவைத் தாக்கும் 30-ஆவது புயலான ஹையான், இந்த ஆண்டிலேயே அதிகபட்ச வேகம் கொண்டதாக இருக்கும் என கூறப்படுகிறது.[7][8]