சுமித்ரா மகஜன்

சுமித்திரா மகஜன் (Sumitra Mahajan, 12 ஏப்ரல் 1943) பாரதிய ஜனதா கட்சியைச் சார்ந்த இந்திய அரசியல்வாதியும் பதினாறாவது மக்களவையின் மக்களவைத் தலைவரும் ஆவார்.[1] 2014இல் எட்டாவது முறையாக மக்களவைத் தேர்தலில் வென்றுள்ளார். பதினாறாவது மக்களவையில் இவ்வாறு எட்டுமுறை வென்ற மூவரில் ஒருவராக உள்ளார்.[2] மிக நீண்டகாலம் உறுப்பினராக உள்ள பெண் நாடாளுமன்ற உறுப்பினராகவும் உள்ளார்.[3] 1989ஆம் ஆண்டிலிருந்து மத்தியப் பிரதேசத்தின் இந்தூர் மக்களவைத் தொகுதியிலிருந்து தொடர்ந்து வென்று வந்துள்ளார்.

சுமித்ரா மகஜன்
இந்திய மக்களவைத் தலைவர்
பதவியில் 05 ஜூன் 2014 – 17 ஜூன் 2019
முன்னவர்	மீரா குமார்
பின்வந்தவர்	ஓம் பிர்லா
இந்தோர் தொகுதியின் நாடாளுமன்ற உறுப்பினர்
பதவியில் 1989 – 29 மே 2019
முன்னவர்	பிரகாஷ் சந்திர சேத்தி
தனிநபர் தகவல்
பிறப்பு	12 ஏப்ரல் 1943 (1943-04-12) சிப்லுன், ரத்னகிரி மாவட்டம்
அரசியல் கட்சி	பாஜக
வாழ்க்கை துணைவர்(கள்)	ஜயந்த் மகஜன்
பிள்ளைகள்	2 மகன்கள்
இருப்பிடம்	இந்தோர், மத்தியப் பிரதேசம்
As of 22 செப்டம்பர், 2006 Source:

முந்தைய பாஜக ஆட்சியில் நடுவண் இணை அமைச்சராக 2002 முதல் 2004 வரை இருந்துள்ளார். மனிதவள மேம்பாடு, தொலைத்தொடர்பு, பெட்றோலியம் துறைகளில் அமைச்சராகப் பணி புரிந்துள்ளார்.[4] இந்தூர் பல்கலைக்கழகத்தில் முதுகலைப் பட்டமும் சட்டமும் படித்துள்ளார்.