சிவநாதன் கிசோர்

சிவநாதன் கிசோர் (Sivanathan Kisshor, பிறப்பு: 12 மே 1962) இலங்கைத் தமிழ் அரசியல்வாதியும், முன்னாள் நாடாளுமன்ற உறுப்பினருமாவார்.

2004 ஆம் ஆண்டில் கிசோர் தமிழ்த் தேசியக் கூட்டமைப்பின் நாடாளுமன்ற வேட்பாளராக விடுதலைப் புலிகளால் தேர்ந்தெடுக்கப்பட்டார்.[1] ஏப்ரல் 2004 தேர்தலில் கிசோர் வன்னி மாவட்டத்தில் போட்டியிட்டு 17,653 வாக்குகள் பெற்று நாடாளுமன்றம் சென்றார்.[2] 2010 தேர்தலில் ததேகூ கிசோரைத் தனது வேட்பாளர் பட்டியலில் தெரிவு செய்யவில்லை.[3] அதன் பின்னர் கிசோர் ஆளும் ஐக்கிய மக்கள் சுதந்திரக் கூட்டணியில் இணைந்து 2010 தேர்தலில் போட்டியிட்டு 1,262 வாக்குகள் பெற்றுத் தோல்வியடைந்தார்.[4] 2015 தேர்தலில் தமிழர் விடுதலைக் கூட்டணியின் வேட்பாளராகப் போட்டியிட்டுத் தோல்வியடைந்தார்.[5][6]