சி. அருளம்பலம்

சின்னையா அருளம்பலம் (Chinnaiah Arulampalam, 18 பெப்ரவரி 1909 - ) இலங்கைத் தமிழ் அரசியல்வாதியும், நாடாளுமன்ற உறுப்பினரும் ஆவார்.[1]

சி. அருளம்பலம்
C. Arulampalam
நா.உ.
நல்லூர் தொகுதியின்
நாடாளுமன்ற உறுப்பினர்
பதவியில்
1970–1977
முன்னவர் இ. மு. வி. நாகநாதன்
பின்வந்தவர் மு. சிவசிதம்பரம்
குழுக்களுக்கான பிரதித் தலைவர்
பதவியில்
23 சூலை 1976 – 18 மே 1977
முன்னவர் சேனபால சமரசேகர
பின்வந்தவர் சி. ஆர். பெலிகம்மன
தனிநபர் தகவல்
பிறப்பு பெப்ரவரி 18, 1909(1909-02-18)
அரசியல் கட்சி இலங்கை சுதந்திரக் கட்சி
இனம் இலங்கைத் தமிழர்

அரசியலில்

அருளம்பலம் 1952 ஆம் ஆண்டில் இடம்பெற்ற 2ஆவது நாடாளுமன்றத் தேர்தலில் அகில இலங்கைத் தமிழ்க் காங்கிரஸ் கட்சியின் வேட்பாளராக கோப்பாய் தொகுதியில் போட்டியிட்டு இலங்கைத் தமிழரசுக் கட்சி வேட்பாளர் கு. வன்னியசிங்கத்திடம் தோற்றார்.[2] பின்னர் 1956 தேர்தலிலும் போட்டியிட்டுத் தோற்றார்.[3]

அருளம்பலம் நல்லூர் தொகுதியில் மார்ச் 1960,[4] சூலை 1960[5] மற்றும் 1965[6] தேர்தல்களில் போட்டியிட்டு இலங்கைத் தமிழரசுக் கட்சி வேட்பாளர் இ. மு. வி. நாகநாதனிடம் தோற்றார். அவர் பின்னர் 1970 தேர்தலில் மீண்டும் போட்டியிட்டு நாகநாதனை வென்று நாடாளுமன்றம் சென்றார்.[7] அவர் பின்னர் ஆளும் இலங்கை சுதந்திரக் கட்சிக்கு கட்சி மாறினார். இதன் பயனாக அவருக்கு 1975 ஆம் ஆண்டில் குழுப் பிரதித் தலைவர் பதவி கிடைத்தது..[8]

1977 தேர்தலில் சுதந்திரக் கட்சியின் சார்பில் நல்லூர்த் தொகுதியில் போட்டியிட்டு 1,042 வாக்குகளை மட்டும் பெற்று படுதோல்வி அடைந்தார்.[9]

மேற்கோள்கள்
  1. "Arulampalam, Chinnaiah". இலங்கை நாடாளுமன்றம்.
  2. "Result of Parliamentary General Election 1952". இலங்கைத் தேர்தல் திணைக்களம்.
  3. "Result of Parliamentary General Election 1956". இலங்கைத் தேர்தல் திணைக்களம்.
  4. "Result of Parliamentary General Election 1960-03-19". இலங்கைத் தேர்தல் திணைக்களம்.
  5. "Result of Parliamentary General Election 1960-07-20". இலங்கைத் தேர்தல் திணைக்களம்.
  6. "Result of Parliamentary General Election 1965". இலங்கைத் தேர்தல் திணைக்களம்.
  7. "Result of Parliamentary General Election 1970". இலங்கைத் தேர்தல் திணைக்களம்.
  8. "Deputy Chairman of Committees". இலங்கை நாடாளுமன்றம்.
  9. "Result of Parliamentary General Election 1977". இலங்கைத் தேர்தல் திணைக்களம்.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.