வரி விகிதம்

தனிநபருக்கும் வர்த்தக நிறுவனங்களுக்கும் வரி விதிக்கப்படும் விகிதம் வரி விகிதம் (Tax rate) எனப்படும். பொருளியலிலும் வரிவிதிப்பு முறைகளிலும் பயன்படுத்தப்படும் இக்கலைச்சொல் பொதுவாக விழுக்காட்டினை அலகாகக் கொண்டுள்ளது. தனிநபர், வர்த்தக வரி விகிதத்தை நடுவண் மற்றும் மாநில அரசுகள் முடிவு செய்கின்றன.[1]

சட்ட வரி விகிதம்

சட்ட வரி விகிதம் (Statutory tax rate) என்பது ஒரு நாட்டின் அல்லது மாநிலத்தின் சட்டப்படி விதிக்கப்படும் வரி விகிதம். வருமான வரிக்கான சட்ட வரிவிகிதம் வெவ்வேறு வருமான வரம்புகளுக்கு ஏற்ப மாறும். விற்பனை வரிக்கான சட்ட வரி விகிதம் விகிதமுறைப்படி சீராக இருக்கும்.

சராசரி வரி விகிதம்

வரிவிதிக்கக்கூடிய மொத்த வருமானம் அல்லது செலவீனத்தில் எத்தனை வீதம் வரியாக செலுத்தப்படுகிறதோ அது சராசரி வரி விகிதம் (Average tax rate) எனப்படும். இதுவும் விழுக்காட்டினை அலகாகக் கொண்டது.[2]

இறுதிநிலை வரி விகிதம்

ஒரு நபரோ அமைப்போ தான் ஈட்டும் ஒவ்வொரு ரூபாய்/டாலர் கூடுதல் வருமானத்திற்காகக் கட்ட வேண்டிய வரிவிகிதம் இறுதிநிலை வரிவிகிதம் (Marginal tax rate) எனப்படுகிறது. இறுதியாக ஈட்டிய வருமானத்தின் மீது விதிக்கப்படும் வரிவிகிதமே இறுதிநிலை வரிவிகிதமாகும்.[2][3][4][5]

மேற்கோள்கள்
  1. DEFINITION OF 'TAX RATE', Investopedia.com
  2. "What is the difference between statutory, average, marginal, and effective tax rates?". Americans For Fair Taxation. பார்த்த நாள் 2007-04-23.
  3. Piper, Mike (Sep 12, 2014). Taxes Made Simple: Income Taxes Explained in 100 Pages or Less. Simple Subjects, LLC. பன்னாட்டுத் தரப்புத்தக எண்:978-0981454214.
  4. "Marginal Tax Rates". Concise Encyclopedia of Economics (2nd). (2008). Ed. David R. Henderson (ed.). Indianapolis: Library of Economics and Liberty. ISBN 978-0865976658. இணையக் கணினி நூலக மையம் 237794267.
  5. William Perez. "Federal Income Tax Rates for the Year 2013". about.com. பார்த்த நாள் 2013-11-18.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.