கோண்மா நெடுங்கோட்டனார்

• வீட்டில் கட்டப்பட்டிருக்கும் பெரிய மணி அடிக்கப்படும்.
• வீட்டு முற்றத்தில் மணல் பரப்பப்படும்.
• அங்குப் பந்தல் போடப்படும்.
• பந்தலில் பாணன் (பாட்டுப் பாடிக்கொண்டு) காவல் இருப்பான்.
• மற்றொரு பக்கத்தில் 'திருந்திழை'(தாலி, மங்கல நாண்) அணிந்த மகளிர் விரிச்சி நிகழ்வுக்காகக் காத்திருப்பர்.
• மணம் கமழும் மெத்தையில் பிறந்த மகன் செவிலியுடன் உறங்குவான்.
• பெற்ற தாய் கண்ணை மூடிக்கொண்டு உறங்குவாள்.
• தாயை ஐயவி என்னும் கடுகு எண்ணெய் தேய்த்துக் குளிப்பாட்டித் தூங்க வைத்திருப்பார்கள்.
• உறங்கும்போது அவளது உடம்பில் பசுநெய் தடவப்பட்டிருக்கும்.

வீட்டில் மனைவிக்குத் தன் குழந்தை பிறந்திருக்கிறது. கணவன் கள்வன் போல வீட்டை விட்டு அகன்று பரத்தை இல்லம் சென்றுள்ளான். (அவன் தனக்குக் குழந்தை பிறந்துள்ள மகிழ்வைப் பரத்தையோடு பகிர்ந்துகொள்கிறான்.) இந்தச் செய்தியைக் குழந்தை பெற்ற தாயின் சுற்றத்தார் கேட்கும்படி பரத்தை கூறுகிறாள்.