கொற்றங் கொற்றனார்

பண்ணன் 'தனக்கென வாழாப் பிறர்க்குரியாளன்' அவன் ஊர் சிறுகுடி.

தலைவி தன் குழந்தையிடம் மழலைமொழி பேசுகிறாள். பண்ணன் சிறுகுடியில் உள்ள நெல்லிப்பழத்தைத் தின்றுவிட்டு தண்ணீர் குடித்தால் இனிப்பது போன்று தன் நா இனிக்கப் பேசுகிறாள்.

பொன்னாலான தாலி அணிந்துள்ள தன் மகனுக்கு முத்தம் கொடுத்து('ஒற்றி') விளையாட விடுகிறாள். ('பொய்க்கும்') பின் கை கை விரல்களால் அழைக்கிறாள். 'வந்தால் பால் தருவேன்' என்கிறாள். இப்படிச் சொல்லும்போது அவளது நா இனிக்கிறதாம்.

குழந்தையிடம் பொய் சொல்லி நடக்கவைக்கும் விளையாட்டு

தலைவி வீட்டிலேயே அடைந்துகிடக்கும் நிலை வந்துவிட்டது என்பதைத் தலைவனுக்குச் சொல்லித் திருமணம் செய்துகொண்டு அவளை அடையுமாறு குறிப்பாலுணர்த்தும் பாடல் இது.

தோழி! இனி என்ன செய்யப்போகிறோம்? வேங்கைச் சாரல் நாடனொடு சேர்ந்து கிளி கடிந்து தினைப்புனம் காத்தோம். அங்குள்ள அருவியில் நீராடினோம். அங்கு அவன் சந்தனக் கட்டையைப் புகைத்த மணத்தில் வண்டுகள் மொய்க்குமாறு கூந்தலை உலர்த்தினோம். இத்தகைய நட்பு இனி அரிது போலும்! கடலில் வெள்ளலை பொங்குவது போல தினை விளைந்து கிடக்கிறது.(இனி அறுவடை ஆகிவிடும். நாம் வரமாட்டோம்) இனி என்ன செய்யப்போகிறோம்?