கொண்டுதலைக்கழிதல்
கொண்டுதலைக்கழிதல் என்பது தலைவன் தலைவியை, அவளது பெற்றோர் அவனுக்கு மணம் செய்து தர மறுக்கும்போது, தோழியின் உதவியால், தலைவியைத் தன் ஊருக்குக் கொண்டு சென்று மணந்துகொள்வதற்காகத் தலைவியைக் கொண்டுசெல்ல்ல்.
- இதில் தலைக்கழிவு என்பது தலைமையான செலவு எனப் பொருள்படும்.
தொல்காப்பியம் அன்பின் ஐந்திணை உரிப்பொருள்களைக் கூறும்பொது கொண்டுதலைக்கழிதல் என்பதையும் ஓர் உரிப்பொருளாகக் காட்டுகிறது. இது புணர்தலா, பிரிதலா எனக் கொள்ளமுடியாதபடி அமைந்திருப்பதால் இதனை தனி உரிப்பொருளாகச் சுட்டுகிறது. [1]
பிற்கால நம்பியகப்பொருள் அகத்திணையை அகத்திணையியல், களவியல், வரைவியல், கற்பியல், ஒழிபியல் என ஐந்தாகப் பகுத்துக்கொண்டு விளக்கும்போது வரைவியலில் ஒன்றாக வைத்துக்கொண்டுள்ளது. [2]
இக்காலத்தில் தோழி அனுப்பிவைத்தல், நற்றாய் பலம்பல், செவிலி தேடிச் செல்லல், கண்டோர் கூறுதல், முதலானவை நிகழும்.
அடிக்குறிப்பு
- தொல்காப்பியம், அகத்திணையியல் 17
- நம்பியகப்பொருள், வரைவியல் 181, 182
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.