கைடோ வான் ரோசம்

கைடோ வான் ரோசம் (Guido van Rossum) டச்சு நாட்டைச் சேர்ந்த ஒரு கணினியில் நிரலர். இவர் பெருமளவில் பயன்படுத்தப்படும் பைத்தான்(Python) எனும் நிரலாக்க மொழியை உருவாக்கியவர் ஆவார். 2005-ம் ஆண்டு முதல் டிசம்பர் 2012 வரை கூகுள் நிறுவனத்தில் பணியாற்றிய இவர், அதன்பிறகு ஜனவரி 2013 முதல் டிராப்பாக்ஸ்(Dropbox) நிறுவனத்தில் பணியாற்றி வருகிறார்.

கைடோ வான் ரோசம்
2006-ம் ஆண்டு ஓ'ரெல்லி கட்டற்ற மற்றும் திறமூல கருத்தரங்கில் குய்டோ வான் ரொஸ்ஸும்
பிறப்பு31 சனவரி 1956 (1956-01-31)
நெதர்லாந்து
தேசியம்டச்சு
படித்த கல்வி நிறுவனங்கள்ஆம்ஸ்டர்டாம் பல்கலைக்கழகம்
பணிகணினி நிரலர், எழுத்தாளர்
பணியகம்டிராப்பாக்ஸ் (Dropbox)[1]
அறியப்படுவதுபைத்தான் நிரல் மொழி
வாழ்க்கைத்
துணை		கிம் க்னப்
பிள்ளைகள்ஆர்லிஜ்ன் மிச்சேல் க்னப் -வான் ரொஸ்ஸூம் [2]
வலைத்தளம்
python.org/~guido/
neopythonic.blogspot.com/

சுயசரிதை

வான் ரோசம் நெதர்லாந்தில் பிறந்து அங்கேயே வளர்ந்து, அம்சர்டாம் பல்கலைக்கழகத்தில் 1982 ஆம் ஆண்டு கணிதம் மற்றும் கனிணியியல் துறையில் முதுநிலைப் பட்டம் பெற்றார்.

பைத்தான்

பைத்தான்(Python) எனும் நிரலாக்க மொழியை உருவாக்கிய வான் ரோசம் 1996 ல் அதன் தொடக்கத்தைப்பற்றி கீழ்கண்டவாறு கூறுகிறார்:

ஆறு வருடங்களுக்கு முன் டிசம்பர் 1989 ல் கிருஸ்துமஸ் விடுமுறையின் போது பொழுது போக்கிற்காக ஒரு நிரலாக்க மொழித்திட்டத்தை தேடிக் கொண்டிருந்தேன். என்னுடைய அலுவலகம் ... முடியிருந்தது ஆனால் நான் வீட்டில் ஒரு கணினி வைத்திருந்தேன். ஒரு புதிய ஸ்கிரிப்டிங் மொழிக்கு மொழிப்பெயர்ப்பு மென்பொருள் தயார் செய்ய முடிவு செய்தேன். ABC மொழிக்கு சந்ததியான இந்த நிரலாக்க மொழி திட்டத்திற்கு பைத்தான் என பெயரிட்டேன். மான்டி பைத்தான் பிளையிங் சர்க்கஸ் என்ற நாடகத்தின் ரசிகனாக இருந்த காரணத்தினால் புதிய மொழிக்கு பைத்தான் எனப் பெயரிட்டேன்.[3]

அனைவருக்கும் கணினி மொழி

1999 ஆம் ஆண்டு வான் ரொசம் DARPA விற்கு ஒரு திட்டத்தை சமர்ப்பித்தார்.Computer Programming for Everybody, அதில் அவர் பைத்தான் மொழிக்கான இலக்குகளை கூறியிருந்தார்:

  • சுலபமாகவும் சக மொழிகளை போல சக்தி வாய்ந்ததாகவும் இருக்க வேண்டும்
  • திறந்த மூல மென்பொருள், இதன் வளர்ச்சிக்கு யார் வேண்டுமானாலும் பங்களிக்கலாம்
  • ஆங்கில மொழியைப்போல் சுலபமாக புரிந்து கொள்ள முடியும்
  • எல்லா வேலைகளுக்கும் பொருந்தக்கூடிய , குறுகிய காலத்தில் தயாரிக்கக் கூடியது

விருதுகள்
  • 2002 ஆம் ஆண்டு பிரஸ்ஸல்ஸ்லில் நடைபெற்ற மாநாட்டில் FOSDEM, வான் ரோசத்திற்கு கட்டற்ற மென்பொருள் அறக்கட்டளை யிடமிருந்து பைத்தான் மொழியாக்கதிற்காக 2001 கட்டற்ற மென்பொருள் முன்னேற்றத்திருக்கான விருது வழங்கப்பட்டது.
  • வான் ரோசம் NLUUG விருதினை மே 2003 ஆண்டு பெற்றுக்கொண்டார்
  • 2006 ஆம் ஆண்டில் வான் ரோசம் Association for Computing Machinery யினால் புகழ் பெற்ற பொறியாளர் என அங்கிகரிக்கப்பட்டார்

மேற்கோள்கள்
  1. Constine, Josh. "Dropbox Hires Away Google’s Guido Van Rossum, The Father Of Python". Techcrunch. பார்த்த நாள் 12/7/2012.
  2. Guido van Rossum - CodeCall Programming Wiki
  3. "Foreword for "Programming Python" (1st ed.)".
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.