காரி கிழார்

'தண்டா ஈகைத் தகைமாண் வழுதி' என இவன் போற்றப்படுவதால் இவன் சிறந்த கொடைவள்ளல்களில் ஒருவன் எனத் தெரியவருகிறது.

தண்கதிர் மதியம் போல மற்றவர்களுக்குக் குளுமையாகவும், ஞாயிற்றின் ஒளியைப்போல மற்றவர்களுக்கு விளக்கமாவும் வாழ்வாயாக எனப் புலவர் வழுதியை வாழ்த்துகிறார்.

காதுகளில் தைக்கும்படி அறிவுறுத்துவது செவியறிவுறூஉ. புலவர் அரசன் காதுகளில் உறைக்கும்படி சில செய்திகளை இப் பாடலில் கூறுகிறார்.

• பகை வென்று கொண்டுவந்த நன்கலங்களை பரிசில் பெற வருவொர்க்குச் சீர்வரிசைகளாக நல்குக.
• முனிவர் முக்கண் செல்வர் (சிவபெருமான்) திருமேனி நகர்வலம் வரும்போது உன் வெண்கொற்றக் குடை பணியட்டும்.
• நான்மறை முனிவர் கையேந்தும்போது உன் தலை வணங்கட்டும்.
• பகை நாட்டை அழித்துத் தீயிட்டுக் கொளுத்தும் புகையில் உன் பூ மாலை வாடட்டும்.
• மங்கையர் ஊடல் நீண்டு துனியாக மாறும் காலத்தில் உன் வெகுளி தணியட்டும்.

நன்னெறியைப் பொருண்மொழி என்பது சங்ககால வழக்கு. செவியறிவுறூஉ பகுதியில் புலவர் அரசர்க்கு நன்னெறிகளாகக் கூறும் செய்திகளைப் பொருண்மொழிக் காஞ்சி என்றும் கொள்கின்றனர்.

• 'கீழது முப்புணர் அடுக்கிய முறைமுதல் கட்டின் நீர்நிலை நிவப்பு'

உலகின் கட்டு 3 நிலைகளாக அடுக்கப்பட்டுள்ளது. அந்த அடுக்கின் இடைநில் உள்ளது நாம் வாழும் உலகம். கீழே உள்ளது நீர்நிலை ஓங்கியுள்ள உலகம்.

• 'மேலது ஆனிலை உலகம்'

மேலே உள்ளது ஆன்மாக்கள் வாழும் உலகம்.

இங்கெல்லாம் முதுகுடுமிப் பெருவழுதியின் புகழ் பரவ வேண்டும் என்று இப் புலவர் வாழ்த்துகிறார்.

• ஞமன்ன் = எமன்
• தொடுகடல் = வங்கக் கடலின் பழங்காலத் தமிழ்ப் பெயர்
• பற்றலியரோ = பற்றுக