ஈருறுப்புக் குணகம்

கணிதத்தில் ஈருறுப்புக் குணகங்கள் அல்லது ஈருறுப்புக் கெழுக்கள் (Binomial coefficients) எனப்படுபவை, ஈருறுப்புத் தேற்றத்தில் குணகங்களாக அமையும் நேர் நிறையெண்களாகும். இவை இரண்டு எதிரெண்ணாக இல்லாத நிறையெண்களால் எடுத்துரைக்கப்படலாம். n மற்றும் k ஆல் எடுத்துரைக்கப்படும் ஈருறுப்புக் குணகம் வழமையாக ${\displaystyle {\tbinom {n}{k}}}$ என எழுதப்படும். இது (1+x)ⁿ என்ற ஈருறுப்புக் கோவையின் விரிவில் x^kயின் குணகமாகும். nஇன் இயல்தகு பெறுமானங்களுக்கும், kயின் 0இலிருந்து n வரையான பெறுமானங்களுக்கும் உரிய ஈருறுப்புக் குணகங்களை வரிசையாக ஒழுங்குபடுத்தும்போது பெறப்படும் முக்கோணம் பாஸ்கலின் முக்கோணம் எனப்படும்.