அமெரிக்க விடுதலைப் படை

அமெரிக்க விடுதலைப் படை (Continental Army) அமெரிக்க ஐக்கிய நாடாக இணைந்த குடியேற்ற மாநிலங்கள் அமெரிக்கப் புரட்சிப் போரின்போது இரண்டாம் விடுதலைப் பேராயம் உருவாக்கிய படையாகும். சூன் 14, 1775இல் பேராயத் தீர்மானம் மூலமாக நிறுவப்பட்ட இந்தப் படை பெரிய பிரித்தானியாவிற்கு எதிராக புரட்சி செய்த பதின்மூன்று குடியேற்றங்களின் இராணுவ நடவடிக்கைகளை ஒருங்கிணைக்க உருவாக்கப்பட்டது. அமெரிக்க விடுதலைப் படைக்கு துணையாக அந்தந்த மாநில படைகளும் துருப்புகளும் செயல்பட்டனர். படைத்தளபதி சியார்ச் வாசிங்டன் இந்தப் படையின் தலைமை தளபதியாக போர்க்காலம் முழுமைக்கும் தலைமையேற்றார்.

1783இல் போர் முடிந்த பிறகு ஏற்பட்ட பாரிசு உடன்படிக்கையின்படி விடுதலைப் படை பெரும்பாலும் கலைக்கப்பட்டது. 1792இல் தளபதி அந்தோனி வேய்ன் தலைமையில் அமைந்த ஐக்கிய அமெரிக்க படைக்கு இதன் முதலாம், இரண்டாம் படையணிகள் கருவமாக இருந்தன. 1796இல் இதுவே ஐக்கிய அமெரிக்கத் தரைப்படையின் அடித்தளமாக அமைந்தது.

துவக்கங்கள்
சூன் 15, 1775இல் தளபதி சியார்ச் வாசிங்டன் அமெரிக்க விடுதலைப் படைக்கு தலைமைத் தளபதியாக நியமிக்கப்பட்டார்.

அமெரிக்க விடுதலைப் படையில் 13 குடியேற்றங்களிலிருந்தும், 1776க்குப் பிறகு 13 மாநிலங்களிலிருந்தும், துருப்புக்கள் இருந்தனர். ஏப்ரல் 19, 1775இல் லெக்சிங்டனிலும் கான்கார்டிலும் போர் துவங்கிய குடியேற்றப் புரட்சியாளர்களிடம் படை எதுவும் இல்லை. முன்னதாக, ஒவ்வொரு குடியேற்றமும் பகுதிநேர குடிகளடங்கிய குடிப்படையினரை சார்ந்திருந்தது. 1754–63 காலத்தில் நடந்த பிரான்சிய, செவ்விந்திய போர்களுக்கு தற்காலிகமாக எழுப்பப்பட்ட மாநில படையணிகளை அமர்த்தியது. பெரிய பிரித்தானியாவுடனான நெருக்கடி அதிகரித்து போர் மூண்டபோது ஒவ்வொரு குடியேற்றமும் வரவிருக்கும் சண்டைகளுக்காக தங்கள் குடிப்படைகளை செம்மைப்படுத்தத் தொடங்கின. 1774க்குப் பிறகு குடிப்படைகளுக்கான இராணுவப் பயிற்சிகள் கூடுதலாயின. ரிச்சர்டு என்றி லீ போன்ற குடியேற்றவாதிகள் தேசிய குடிப்படையை எழுப்ப விரும்பினர்; ஆனால் முதலாம் விடுதலைப் பேராயம் இதனை மறுத்து விட்டது. [1]

ஏப்ரல் 23, 1775இல் மாசச்சூசெட்ஸ் மாகாணப் பேராயம் 26 படையணிகளைக் கொண்ட குடியேற்றப் படையை உருவாக்க அனுமதியளித்தது. நியூ ஹாம்சயர், றோட் தீவு, கனெடிகட்டும் இவ்வாறான படையை, ஆனால் குறைந்தளவில், உருவாக்கின. சூன் 14, 1775இல் இரண்டாம் விடுதலைப் பேராயம் பொதுவான பாதுகாப்பிற்காக கண்டம் தழுவிய படைகளை (அமெரிக்க விடுதலைப் படை) எழுப்ப முடிவு செய்தது; ஏற்கெனவே பாசுட்டனிலும் (22,000 துருப்புக்கள்) நியூயோர்க்கிலும் (5000) இருந்த படையினர் இதன் அடித்தளமாக அமைந்தனர்.[2] தவிரவும் முதல் பத்து படையணிகளை எழுப்பியது; மேரிலாந்து, டெலவேர், விர்ஜீனியா, பென்சில்வேனியாவிலிருந்து துப்பாக்கியாளர்களை ஓராண்டு பணிபுரிய ஒபந்ந்த அடிப்படையில் அமர்த்தியது.[2] இவர்களே 1776இல் முதலாம் படையணியாக உருவாயினர். சூன் 15, 1775இல் பேராயம் ஒருமித்து சியார்ச் வாசிங்டனை தலைமைத் தளபதியாக நியமித்தது. இவர் போர்க்காலம் முழுமைக்கும் எவ்வித ஊதியமுமின்றி, செய்த செலவினங்களுக்கு மட்டுமே ஈடு பெற்று பணியாற்றினார்.[3][4][5][6]

இயக்கங்கள்

கலைப்பு

மேற்சான்றுகள்
  1. இரைட்டு, 1983, pp. 10-; 11
  2. Cont'l Cong., Formation of the Continental Army, in 2 Journals of the Continental Congress, 1774–1789 89–90 (Library of Cong. eds., 1905).
  3. Cont'l Cong., Commission for General Washington, in 2 Journals of the Continental Congress, 1774–1789 96-7 (Library of Cong. eds., 1905).
  4. Cont'l Cong., Instructions for General Washington, in 2 Journals of the Continental Congress, 1774–1789 100-1 (Library of Cong. eds., 1905).
  5. Cont'l Cong., Resolution Changing "United Colonies" to "United States", in 5 Journals of the Continental Congress, 1774–1789 747 (Library of Cong. eds., 1905).
  6. Cont'l Cong., Acceptance of Appointment by General Washington, in 2 Journals of the Continental Congress, 1774–1789 91–92 (Library of Cong. eds., 1905).

மேலும் அறிய
  • Lengel, Edward G. General George Washington: A Military Life. New York: Random House, 2005. ISBN 1-4000-6081-8.
  • Royster, Charles. A Revolutionary People at War: The Continental Army and American Character, 1775–1783. Chapel Hill: University of North Carolina Press, 1979. ISBN 0-8078-1385-0.
  • Carp, E. Wayne. To Starve the Army at Pleasure: Continental Army Administration and American Political Culture, 1775–1783. Chapel Hill: University of North Carolina Press, 1984. ISBN 0-8078-1587-X.
  • Gillett, Mary C. The Army Medical Department, 1775–1818. Washington: Center of Military History, U.S. Army, 1981.
  • Martin, James Kirby, and Mark Edward Lender. A Respectable Army: The Military Origins of the Republic, 1763–1789. 2nd ed. Wheeling, Illinois: Harlan Davidson, 2006. ISBN 0-88295-239-0.
  • மேer, Holly A. Belonging to the Army: Camp Followers and Community during the American Revolution. Columbia: University of South Carolina Press, 1999. ISBN 1-57003-339-0; ISBN 1-57003-108-8.
  • Risch, Erna (1981). Supplying Washington's Army. Washington, D.C.: United States Army Center of Military History. http://www.history.army.mil/books/RevWar/risch/risch-fm.htm.
உசாத்துணைகள்
  • RevWar75.com provides "an online cross-referenced index of all surviving orderly books of the Continental Army".
  • Wright, Robert K. The Continental Army. Washington, D.C.: United States Army Center of Military History 1983. Available, in part, online from the CMH website
  • Bibliography of the Continental Army compiled by the United States Army Center of Military History
முதல்நிலைத் தரவுகள்

வெளி இணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.