அமந்தா பாவுவேர்

அமந்தா எலைன் பாவுவேர் (Amanda Elaine Bauer) (பிறப்பு: 26 மே 1979) ஓர் அமெரிக்கத் தொழில்முறை வானியலாளர் அறிவியல் பரப்புரையாளரும் ஆவார். இவர் இப்போது அரிசோனாவில் உள்ள டசுக்கன் பெரிய அளக்கைத் தொலைநோக்கியில் கல்வி, மக்கள் பரப்புரைத் தலைவராக உள்ளார். இவர் 2013 முதல் 2016 வரை ஆத்திரேலிய வான்காணகத்தில் ஆராய்ச்சி வானியலாளராக உள்ளார். இவரது முதன்மையான ஆய்வுப் புலம் பால்வெளி உருவாக்கமும் அது புது விண்மீன்கள் தோற்றுவித்தலும் ஆகும். தொடக்கப் பால்வெளி புது விண்மீன்களின் உருவாக்கத்தை உடனே நிறுத்திவிடுதலைப் பற்றியும் தன் ஆய்வில் கவனம் செலுத்துகிறார். இவர் பொதுமக்களால் இவரது கல்விக்காகவும் பரப்புரைக்காகவும் அறியப்பட்டவர்.

அமந்தா பாவுவேர்
Amanda Bauer
பிறப்புமே 26, 1979 (1979-05-26)[1]
சிஞ்சினாட்டி, ஓகியோ, ஐக்கிய அமெரிக்கா
வாழிடம்தக்சோன், அரிசோனா
குடியுரிமைஅமெரிக்கர்
துறைவானியல்
பணியிடங்கள்ஆத்திரேலிய வான்கானகம். பெரிய அளக்கை தொலைநோக்கி
கல்வி கற்ற இடங்கள்சிஞ்சினாட்டி பல்கலைக்கழகம், ஆசுட்டின் டெக்சாசு பல்கலைக்கழகம்
அறியப்படுவதுமக்கள் கல்வி, பரப்புரை தலைவர்
விருதுகள்ARC மீயறிவியல் ஆய்வுநல்கை

இளமையும் கல்வியும்

இவர் அமெரிக்காவில் ஓகியோ மாநிலத்தில் சிஞ்சினாட்டியில் பிறந்து வளர்ந்தார். இளமையில் இருந்தே இவர் வானியலில் ஆர்வம் பூண்ட்ருந்தார். இவர் பள்ளிக் கணிதவியல் குழுவில் இருந்தார். ஆனால் அப்பொது இதுவே தன் வாழ்க்கையாக மலரும் என எதிர்பார்க்கவில்லை. சிஞ்சினாட்டி பல்கலைக்கழக்க் கல்லூரியில் இவர் முதலில் பிரெஞ்சு படித்தாலும், விரைவில் அறிவியலுக்கு மாறியுள்ளார். இவர் வெளிநாட்டுக்குச் செல்ல முடியாததாலும் அங்கே வானியல் துறை இல்லாததாலும் இயற்பியலில் பட்டம் பெற்றுள்ளார்.

மக்கள் பரப்புரை
2014 நவம்பரில் அமந்தா பாவுவேர் பொதுமக்களுக்கு உரையாற்றல்.
அமந்தா பாவுவேர் (உகுலேல் கருவியுடன்), பிரெடு வாட்சன் (கிதாருடன்) இசை நிகழ்த்தல், 2014இல் நடந்த ஆத்திரேலிய வானியல் துறையின் 40 ஆம் ஆண்டு விழாக் கொண்டாட்டம்.

சொந்த வாழ்க்கை

இசைமாந்தல், பாடிவாழ்க்கை, குதித்தல், நீச்சல் ஆகியவை இவருக்கு மிகவும் பிடிதவை. இவர் இசைவிழாக்களுக்குச் செல்லுதல், அங்கே நண்பரோடு அளவளாவுதல், இசைகேட்டு மகிழ்தல், தீக்காய்தல் விண்மீன்களின் கீழே படுத்துறங்கல் ஆகியவை எனக்கு மிகவும் பிடித்தவை என அவரே கூறுகிறார்.[2][3]

இவர் 2016 பிப்ரவரியில் இதா உலூனா எனும் பெண்மகவைப் பெற்றெடுத்தார்.[4]

விருதுகளும் தகைமையும்
  • 2016: அறிவியல் செய்தி முதல் இதழ்ப் பதிப்பில் வந்த STEM வாழ்க்கைப்பணி விவரத் தொகுப்பு.[5]
  • 2015: "ஆத்திரேலியாவின் புதிய தலைமுறை உணர்ச்சி சான்ற அறிவியல் பரப்புரையாளர்களைக் கண்டறிய" நியூசவுத் வேல்சும் ஆத்திரேலிய ஒலிபரப்புக் குழுமத்தின் தேசிய வானொலியும் நடத்திய Top 5 under 40 போட்டியில் வெற்றிபெற்ற முதல் ஐவருள் ஒருவர்.[6]
  • 2015: ஆத்திரேலிய இயற்பியல் நிறுவனத்தின் இயற்பியலுக்கான NSW சமூகப் பரப்புரை விருது.
  • 2014முதல் 2016 வரை ஆத்திரேலிய வானியல் கழகத்தின் கல்வி, பொதுமக்கள் பரப்புரை அத்தியாயத்தின் முடுக்கக் குழுவின் உறுப்பினர் (EPOC)[7]
  • 2010முதல் 2013 வரை ஆத்திரேலிய ஆராய்ச்சி மன்றத்தின் மீயறிவியல் ஆய்வுநல்கை (ஆத்திரேலிய வானியல் கழகத்தில் மிகச் சிறந்த தொடக்க வாழ்க்கை ஆய்வுக்காக).[8]
  • 2013: தொழிலகத் துறையின் சிறந்த புத்தாக்க விருது.
  • ஆத்திரேலிய வானியல் கழகத்தின் குழு உறுப்பினர்.[9]
  • 2012: புத்தறிவியல் ஊடகப் போட்டியின் தேசிய அறுதி வெற்றியாளர்[10]
  • 2012: "அறிவியல் சந்திப்புகள் பாராளுமன்றத்தில்" ஆத்திரேலிய வானியல் கழகப் பொறுப்பாளர்.[11]
  • 2009: பிரித்தானிய அறிவியல் கழகத்தின் செயல்நெறிமுறை நல்கை விருது
  • 2006, 2007: நாசா/டெக்சாசு விண்வெளி நல்கைக் கூட்டிணையத்தின் பட்ட ஆய்வுநல்கை

மேற்கோள்கள்
  1. "happy pi day!". பார்த்த நாள் 16 February 2015.
  3. "Dr Amanda Bauer". Australian Skeptics, Inc.. பார்த்த நாள் 22 February 2015.
  4. "astropixie: Introducing Ida Luna". பார்த்த நாள் 30 May 2016.
  5. "STEM Career Profile: Dr Amanda Bauer - Research Astronomer". Science News Department of Industry, Innovation and Science.
  6. "Top 5 Under 40 winners announced". ABC Radio National.
  8. "The Inaugural Symposium of Super Science Fellows in Astronomy and Space Science" (PDF). Australian Research Council (25 May 2012). பார்த்த நாள் 25 February 2015.
  9. "ASA Members". Astronomical Society of Australia. பார்த்த நாள் 21 March 2015.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.