அந்தசுது குறியீடு

அந்தசுது குறியீடு அல்லது பெருமைநிலைக் குறியீடு என்பது ஒருவருடைய சமூக நிலையைப் புறநிலையாகக் காட்டுவதும், பொருளாதார அல்லது சமூகத் தகுதியைச் சுட்டுவதும் ஆகும். பல ஆடம்பரப் பொருட்கள் பெருமைநிலைக் குறியீடாகக் கருதப்படுகின்றன. அந்தசுது குறியீடுகள் எல்லா இடங்களில் ஒரே வகையாக இருக்க தேவையில்லை. எனினும் உலகமயமாதல் சூழலில் கூடுதலான உயர் வர்க்க மக்கள் ஒரே வகையான அந்தஸ்து குறியீடுகளை நாடுகின்றனர்.

வரலாற்றின் வெவ்வேறு காலப்பகுதிகளில் அந்தஸ்து குறியீடுகள் மாறி வந்திக்கின்றன. முன்னர் வசதி படைத்தோர் வெள்ளையாகவும் குண்டாகவும் இருப்பதை அந்தஸ்து குறியீடாக கருதினர். ஏன் என்றால் உடலுழைப்பு மிகுந்த முன்னைய காலப்பகுதியில் அவ்வாறு வேலை செய்ய தேவையற்ற வசதி படைத்தோர் குண்டாக இருப்பதை அந்தஸ்து குறியீடாக கருதினர். இன்று பெரும்பாலும் அமர்தியங்கும் வாழ்முறையை கொண்டிருப்பதால் அமெரிக்க போன்ற நாடுகளில் பெருந்தொகையினர் குண்டாக உள்ளனர். அதனால் ஒல்லியாக இருப்பதுவே அந்தஸ்து குறியீடாக பாக்கப்படுகிறது.