அண்டவெளி புழுத்துளை

ஆப்பிள் ஒன்றின் மீது வாழும் இரு புழுக்களைக் கருதும் போது, முதல் புழு 'நீளம் அகலம்' என்ற வெறும் இரண்டு பரிமாணங்களை கொண்ட பரப்பளவாக மட்டுமே அறிந்துள்ளது. 'ஆழம்' என்ற பரிமாணத்தைப் பற்றி அதற்கு தெரியாது. இரண்டாவது புழு புதிய பரிமாணங்களைத் தேடி ஆப்பிளைச் சுற்றிக் கொண்டு செல்கிறது. இதை, முதல் புழு மற்றொரு புழு தொடுவானில் மறைந்து விட்டது என்று கருதிக்கொள்ளும், இரண்டாவது புழு ஆப்பிளை சுற்றி வரும் போது ஆப்பிள் கண்ணுக்குத் தெரியாத மூன்றாவது பரிமாணத்தில் வளைந்துள்ளது என்ற முடிவுக்கு வரும். இரண்டாவது புழு, இப்போது ஆப்பிளின் மறுபக்கத்துக்கு செல்ல மூன்றாவது பரிமாணத்தின் வழியே ஆப்பிளைத் துளைத்துச் செல்லலாம் என்று கணிக்கிறது. இந்தத் துளைகளின் வழியே செல்லும் போது நேரத்தையும் தூரத்தையும் கணிசமாக மிச்சப்படுத்தலாம் என்ற முடிவுக்கும் வருகிறது. இந்த 'புதைகுழிகளுக்கு' பெயர் தேடிக் கொண்டிருந்த போது ஜான் வீலர் (John Archibald Wheeler), ஒரு ஆப்பிள் புழு ஒன்று துளைத்துக் கொண்டு செல்வதைப் பார்த்து இந்தப் பெயர் வைத்தார். அதாவது WORM HOLE - புழுத்துளை.