ശരീഅത്ത്‌

ഒരു ഇസ്‌ലാം മതവിശ്വാസിയുടെയും ഇസ്‌ലാമിക ഭരണത്തിന്റെയും നിയമാവലിയാണ് ശരീഅ അല്ലെങ്കിൽ ശരീഅത്ത് എന്നറിയപ്പെടുന്നത്. ശരീഅത്തിന്റെ അടിസ്ഥാനങ്ങൾ ഖുർആൻ, പ്രവാചകചര്യ, പണ്ഡിതന്മാരുടെ യോചിച്ച അഭിപ്രായം അഥവാ ഇജ് മാഅ്, ഖിയാസ് എന്നിവയാണ്. ശരീഅത്ത് ജീവിതത്തിന്റെ സർവമേഖലകളെയും സ്പർശിക്കുന്നു. വസ്ത്രധാരണം മുതൽ കുടുംബ ബന്ധങ്ങൾ വരെ, ഭക്ഷണരീതി മുതൽ മനുഷ്യാവകാശങ്ങളും സാമ്പത്തിക ഇടപാടുകളും വരെ ഇതിന്റെ പരിധിയിൽ വരുന്നു. മുകളിൽ പറഞ്ഞ കാര്യങ്ങളുടെ അടിസ്ഥാനത്തിൽ പല വീക്ഷണങ്ങളിലുള്ള നിയമാവലികൾ രൂപം കൊണ്ടിട്ടുണ്ട്.

ഇംഗ്ലീഷ് വിലാസം

https://ml.wikipedia.org/wiki/Sharia

ശരീഅത്ത് പരമായ കർമശാസ്ത്ര സരണികൾ ഇസ് ലാമിൽ നിരവധിയുണ്ട്. കർമ ശാസ്ത്ര സരണികൾ അഹ് ലു സുന്നത്തിൽ അഞ്ചാൺ്.

• ഹനഫീ കർമശാസ്ത്ര സരണി (ലോകത്തിലെ എറ്റവുമധികം മുസ്ലിങ്ങൾ ഈ കർമശാസ്ത്ര സരണി പിന്തുടരുന്നവരാണ്.)
• ശാഫി കർമശാസ്ത്ര സരണി
• മാലികി കർമശാസ്ത്ര സരണി
• ഹമ്പലീ കർമശാസ്ത്ര സരണി
• അഹ്‌ലെ ഹദീസ്

മുസ്ലിങ്ങളിൽ‍ ഒരു പ്രത്യേകകർമശാസ്ത്രത്തെ പിൻപറ്റാത്തവരുമുണ്ട്. അഹ് ലെ ഹദീസ് വിഭാഗം അത്തരത്തിലുള്ളതാണ്.

അഹ് ലു ശീ അത്തിൽ സൈദികൾ സുന്നി സരണിയുമായി അടുത്ത് നിൽക്കുന്നു. അതിനാൽ തന്നെ സൈദിഅ വിഭാഗത്തെ അഹ് ലു സുന്നത്തിന്റെ കൂട്ടത്തിൽ പെടുത്തിയിട്ടുണ്ട്. കൂടാതെ ഇഥനാ അശ് അരി -ഇമാമിയ (ഇന്ന് ഇറാനിൽ കൂടുതൽ കാണുന്നവർ ഇവരാണ്. ഇസ് ലാമിൽ നിന്ന് വഴിമാറി പുറത്ത് പോയ വിഭാഗമെന്ന് പറയപ്പെടുന്നു). കൂടാതെ ഇബാദി കർമ ശാസ്ത്ര സരണിയുമുണ്ട്. ഒമാൻ, തൻസാനിയ, സാൻ‌സി‌ബാർ‍ തുടങ്ങിയ ഇടങ്ങളിലാണ് ഇവരെ കൂടുതാലായി കണ്ട് വരുന്നത്.