മലബാർ

മധ്യ കാലഘട്ടത്തിൽ കേരളം മലബാർ എന്ന പേരിലാണ് അറിയപ്പെട്ടിരുന്നത്. ഈ പ്രദേശത്തിന് മലബാർ എന്ന് പേരു നൽകിയത് അറബി നാടുകളിൽ നിന്നും പേർഷ്യയിൽ നിന്നും കച്ചവടത്തിനായി ഇവിടെ വന്നു പോയിരുന്ന കപ്പലോട്ടക്കാരായിരുന്നു. മല എന്ന മലയാള/തമിഴ് വാക്കിനോട് നാട് എന്നർത്ഥം വരുന്ന ബാർ എന്ന പേർഷ്യൻ വാക്ക് ചേർന്നാണ് മലബാർ എന്ന പേരുണ്ടായത്.[1][2] ഗുണ്ടർട്ടിന്റെ അഭിപ്രായത്തിൽ ഇത് ബർ (തീരം) എന്ന അറബി പദത്തിൽ നിന്നാണ് നിഷ്പന്നമായത്. തഞ്ചാവൂർ മഹാക്ഷേത്രത്തിലെ ഒരു ശിലാരേഖയിൽ മലകളുടെ നാട് എന്നർത്ഥം വരുന്ന “മലൈനാട്“ എന്നാണ് ഈ പ്രദേശത്തിന്റെ പേർ. ക്രി വ 545 ൽ കോസ്മോസ് എഴുതിയ ക്രിസ്ത്യൻ റ്റോപ്പോഗ്രഫി എന്ന ഗ്രന്ഥത്തിൽ മലൈ എന്നാണ് മലബാറിനുനൽകിയിരിക്കുന്ന പേര്. ക്രി വ 1400 നടുത്തുണ്ടായ ഉണ്ണിയാടി ചരിതത്തിലും മലൈനാട് എന്നാ‍ണ് പറഞ്ഞിരിക്കുന്നത്[3].

ഈ പ്രദേശത്തെ മലബാർ എന്ന് ആദ്യം രേഖപ്പെടുത്തിയിരിക്കുന്നത് ഇബ്ൻ ഖുർദാർദ്ബി(879) യും അൽ ബറൂണിയും (10ആം നൂറ്റാണ്ട്) ആണ്[3]. ശരീഫ് ഇദ്രീസി(1153), യാഖൂദ് ഹമവി(1228), അബുൽ ഫിദാ(1273), റഷീദ്ദുദ്ദിൻ (1247), മാർക്കോ പോളോ (1293) തുടങ്ങിയ സഞ്ചാരികൾ‍ മലീബാർ എന്നും മനീബാർ എന്നും സൂചിപ്പിച്ചിരിക്കുന്നു[3]

അതുലൻ എന്ന കവിയുടെ മൂഷകവംശം എന്ന കാവ്യത്തിൽ നിന്ന് ഏഴിമല ആസ്ഥാനമായി മലബാർ മേഖല ഭരിച്ചിരുന്ന ഒരു പ്രാചീന രാജവംശത്തെ കുറിച്ചുള്ള വിവരങ്ങൾ ലഭിക്കുന്നു. മദ്ധ്യകാലത്ത് നിരവധി നാട്ടുരാജ്യങ്ങളായി നിലനിന്ന സ്ഥലമായിരുന്നു മലബാർ. കോഴിക്കോട്ടെ സാമൂതിരി വംശമായിരുന്നു അതിൽ ഏറ്റവും ശക്തർ. കണ്ണൂരെ കോലത്തിരി, ചിറക്കൽ തുടങ്ങി പല രാജകുടുംബങ്ങളും മലബാറിന്റെ പല ഭാഗങ്ങളിലായി ഭരണം നടത്തിയിരുന്നു. ടിപ്പു സുൽത്താന്റെ കേരളത്തിലെ പടയോട്ടത്തോടെയാണ് മലബാർ ഇന്നു വിശേഷിപ്പിക്കുന്ന രൂപത്തിലായത്. അതോടെ മലബാർ മൈസൂർ രാജ്യത്തിന്റെ ഭാഗമായി. 1793 രണ്ടാം മൈസൂർ യുദ്ധത്തിൽ ടിപ്പുസുൽത്താനെ പരാജയപ്പെടുത്തിയതോടെ മലബാർ ബ്രിട്ടീഷ് ഭരണത്തിൻ കീഴിലായി[4]. ബ്രിട്ടീഷ് ആധിപത്യത്തിന്റെ കാലഘട്ടത്തിൽ കേരളത്തിന്റെ വടക്കൻ മേഖലകൾ മദിരാശി സംസഥാനത്തിന്റെ ഭാഗമായി ബ്രിട്ടീഷുകാരുടെ നേരിട്ടുള്ള ഭരണത്തിലായിരുന്നു. ഇതേ കാലഘട്ടത്തിൽ തിരുവിതാംകൂറും കൊച്ചിയിലും നാട്ടുരാജാക്കൻമാരിലൂടെയാണ് ബ്രിട്ടീഷുകാർ ഭരണം നടത്തിയിരുന്നത്. ഇതിനാൽ ‍തന്നെ സ്വാതന്ത്ര്യ സമരത്തിന്റയും മറ്റ് പ്രക്ഷോഭങ്ങളുടേയും രൂപം മലബാറിൽ മറ്റു പ്രദേശങ്ങളിൽ നിന്നും വ്യത്യസ്തമായിരുന്നു. 1956-ൽ ഐക്യകേരള രൂപവത്കരണ സമയംവരെയും മലബാർ മദിരാശി സംസഥാനത്തിന്റെ ഭാഗമായിരുന്നു[5]. കോഴിക്കോടായിരുന്നു പ്രധാനകേന്ദ്രം.

ഇപ്പോൾ തൃശ്ശൂർ ജില്ലയിലെ ചാവക്കാട് താലൂക്കും, പാലക്കാട് (ആലത്തൂർ, ചിറ്റൂർ താലൂക്കുകളിലെ പ്രധാന ഭാഗങ്ങളൊഴിച്ച്), മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളുമുൾപ്പെടുന്ന പ്രദേശമാണ് മലബാർ.

• 
  മലബാർ തീരത്ത് മത്സ്യത്തൊഴിലാളികൾ വല തുന്നുന്നു. (1890)
• 
  മലപ്പുറം ജില്ലയിൽ പൊന്നാനിയിലെ ഹാർബർ (1930-37)
• 
  മലബാറിലെ നായർ പെൺകുട്ടി (1914).
• 
  വയനാടിലെ മാനന്തവാടി (1900).
• 
  മലബാറിലെ വഞ്ചിക്കാരൻ കോലുപയോഗിച്ച് വഞ്ചിയൂന്നുന്നു. (1921-1940).
• 
  മലബാറിലെ മാപ്പിള (1926 - 1933).
• 
  മലബാറിലെ ക്രിസ്ത്യാനികൾ പള്ളി പണിയുന്നു. (1900-നു മുൻപുള്ള കാലം).
• 
  പർദ ധരിച്ച സ്ത്രീകൾ. മലബാറിലെ കാഴ്ച്ച (1920).
• 
  തെങ്ങിൻ തോപ്പ്. മലബാറിലെ കാഴ്ച്ച (1920).
• 
  ഉരുക്കൾ വലിക്കുന്ന ചക്ക് (1900).
• 
  തലക്കുളത്തൂർ ക്ഷേത്രം, കോഴിക്കോട് (1900).
• 
  ടൈൽ ഫാക്ടറിയിലെ ജോലിക്കാർ (1873 - 1902).
• 
  എടക്കുളം (ഇപ്പോൾ തിരുനാവായ) റെയിൽവേ സ്റ്റേഷൻ (1900).
• 
  സർക്കാർ സ്കൂൾ. കോഴിക്കോട് (1850-97)
• 
  ക്രിസ്ത്യൻ മിഷണറി ഹൗസ്, ചിറയ്ക്കൽ, കണ്ണൂർ (സ്വാതന്ത്ര്യത്തിനു മുൻപുള്ള സമയം).
• 
  മാപ്പിള ലഹളയ്ക്കു ശേഷം പിടിയിലായവർ (1921)
• 
  കോഴിക്കോട് ഏലത്തുരുള്ള ഭഗവതിക്ഷേത്രം. (1900-01)
• 
  പൊന്നാനിയിലെ ഒരു കനാൽ (1930-1937).
• 
  കോഴിക്കോട് റെയിൽവേ സ്റ്റേഷൻ (1901).
• 
  ബുഷ് വിദ്യാലയം. നിലമ്പൂർ, മലപ്പുറം. (ഏകദേശം 1930).
• 
  ബ്രാഹ്മണരുടെ കുടുംബം. മലബാറിൽ നിന്ന് (1902).
• 
  കോഴിക്കോടുള്ള ബേക്കറി (1908)
• 
  പെരാപ്പെരി ബോർഡിംഗ് സ്കൂളിറ്റെ വിദ്യാർത്ഥികൾ (1930-1937).
• 
  പെരാപെരിയിലെ ബോർഡിംഗ് സ്കൂൾ (1930).
• 
  കോഴിക്കോടുള്ള ബാസൽ മിഷൻ പള്ളി (1908).
• 
  തിരുപള്ളത്തൂർ ശിവക്ഷേത്രം (1901).
• 
  തളി ക്ഷേത്രം, മലബാർ (1900-01)
• 
  കോഴിക്കോട് (1900 -1930).
• 
  തിരുവളത്തൂർ ഭഗവതി ക്ഷേത്രം, പാലക്കാട് (1900).
• 
  മലബാറിലെ ഒരു ചാപ്പൽ (1926).
• 
  കോഴിക്കോട് ഒരാശുപത്രിയിൽ പുതുതായി തുടങ്ങിയ ഓപറേഷൻ ടേബിൾ (1913).
• 
  കോഴിക്കോടിലെ പെരുമണ്ണയിലെ വിഷ്ണു ക്ഷേത്രം (1901).

• 
  വിക്റ്റോറിയ റാണിയുടെ മുദയുള്ള മുദ്രപത്രം.
• 
  1896ലെ കോർട്ട്ഫീ സ്റ്റാമ്പ്.
• 
  1895ലെ കോടതി മുദ്ര

വിക്കിമീഡിയ കോമൺസിലെ History of court and registration in malabar in 19th century എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്.

• മലബാർ ജില്ല
• മലബാർ തീരം

1. കേണൽ യൂൾ
2. എൻസൈക്ലോപീഡിയ ഓഫ് ഇസ്‌ലാം-വാള്യം 6. 1988. p. 206.
3. മലബാർ ചരിത്രം
4. കോഴിക്കോട് കോർപ്പറേഷന് 50
5. "കവർസ്റ്റോറി". മാധ്യമം ആഴ്ചപ്പതിപ്പ് ലക്കം 718. 2011 നവംബർ 28. ശേഖരിച്ചത്: 2013 ഏപ്രിൽ 07. Check date values in: |accessdate= (help)