മദ്ഹബ്
ഇസ്‌ലാമിലെ കർമ്മശാസ്ത്രസരണികളാണ്‌ മദ്ഹബുകൾ. (അറബിക്: مذهب maḏhab, IPA: [ˈmæðhæb]വളരെയേറെ മദ്ഹബുകൾ ഇസ്‌ലാമിക ചരിത്രത്തിൽ ഉണ്ടായിട്ടുണ്ടെങ്കിലും ഈ പദം കൊണ്ട് സാധാരണ വിവക്ഷിക്കാറുള്ളത് പ്രധാനപ്പെട്ട നാല് മദ്‌ഹബുകളെയാണ്‌: പ്രവാചകന് ശേഷമുള്ള 150 വർഷക്കാലത്ത് നിരവധി മദ്ഹബുകളുണ്ടായിരുന്നുവത്രെ.കാലങ്ങൾക്ക് ശേഷം മദ്ഹബുകൾ വളരുകയും വ്യാപിക്കുകയും വേർതിരിയുകയുമൊക്കെയുണ്ടായി.[1] ̃ഒരു കാലത്ത് അത് 130 ആയി ചുരുങ്ങി. പിന്നീട് പലതും കാലഹരണപ്പെട്ടു.പരമ്പരാഗതമായി നാല് മദ്ഹബുകളാണ് ഭൂരിപക്ഷ മുസ്ലിങ്ങളും പിൽക്കാലത്ത് അനുവർത്തിച്ചുപോന്നത്.അവ താഴെ കൊടുക്കുന്നു. [2]
- ഹനഫി മദ്ഹബ് - സ്ഥാപകൻ അബൂ ഹനീഫ
- മാലികി മദ്ഹബ് - സ്ഥാപകൻ മാലികിബ്നു അനസ്
- ശാഫി'ഈ മദ്ഹബ് - സ്ഥാപകൻ മുഹമ്മദിബ്‌നു ഇദ്‌രീസിശ്ശാഫിഈ
- ഹമ്പലി മദ്ഹബ് - സ്ഥാപകൻ അഹ്‌മദിബ്‌നു ഹമ്പൽ
നാലു മദ്ഹബുകളുടെ സ്ഥാപകരായ നാലു പണ്ഡിതരുടെയും പഠന ഗവേഷണങ്ങൾക്ക് പിൻഗാമികൾ നൽകിയ അംഗീകാരമാണ് മദ്‌ഹബുകൾക്ക് അടിത്തറ പാകിയത്. ഇവരുടെ ശിശ്യർ സ്വന്ത്വം ഗവേഷണങ്ങളേക്കാൾ ഗുരുനാഥരുടെ ഗവേഷണങ്ങൾക്ക് മുൻഗണന നൽകുകയും,ആ ഗവേഷണങ്ങളുടെ ആധികരികത സ്ഥാപിക്കുന്നതിലായി ജോലിയാകുകയും ചെയ്തു. ഇവരുടെ ശിശ്യഗണങ്ങളും തലമുറകളായി ഇതേ പാത തുടർന്നു. ഇതാണ് മദ്ഹബുകളുടെ ആവിർഭാവത്തിനും പ്രചരണത്തിനും ഹേതുവായത്. ഇസ്ലാമിന്റെ തനതായ പരമ്പരയും നിലനിൽപും മദ്ഹബുകളിൽ കൂടിയാണ്.
അവലംബം
- Abou El Fadl, Khaled (22 March 2011). "What is Shari'a?". ABC RELIGION AND ETHICS. ശേഖരിച്ചത്: 20 June 2015.