ബാർബാറികൻ

പുരാണങ്ങൾ പ്രകാരം ഭീമപുത്രനായ ഘടോൽകചനു നാഗകന്യ അഹിലാവതിയിലുണ്ടായ മകനാണ് ബാർബാറികൻ. പൂർവ്വജൻമത്തിൽ ഒരു യക്ഷനായിരുന്നെന്നും പുരാണമുണ്ട്. ചെറിയ പ്രായത്തിലെ ബാർബാറികൻ വീരശുരപരാക്രമിയായിരുന്നു. അവന്റെ തപസ്സിൽ അലിഞ്ഞ് ശിവഭഗവാൻ വരമായി മൂന്നു അസ്ത്രങ്ങൾ സമ്മാനിച്ചു. ഈ മൂന്നു അസ്ത്രങ്ങൾ അവ തൊടുക്കുന്ന ആൾ മനസ്സിലെന്തു വിചാരിക്കുന്നോ അതു അതേപടി ചെയ്തു തരുന്നവയായിരുന്നു. ഇത് കൊണ്ട് ബാർബാരികനെ തീൻ ബാൺ ധാരി എന്ന് രാജസ്ഥാനിലും മറ്റും വിളിക്കുന്നു. പിന്നീടുള്ള തപസ്സിൽ അഗ്നിദേവൻ പ്രത്യക്ഷപ്പെട്ട് ഒരു വില്ലും വരമായി നൽകി. ഇതിനു ശേഷം യുവാവായ ബാർബാറികൻ മൂന്നു ലോകങ്ങളിലും അജയ്യനായ യോദ്ധാവായീത്തീർന്നുവെന്നു പുരാണം.

സ്കന്ദപുരാണം,മാഹേശ്വര ഖണ്ഡം,കൌമാരികാ ഉപഖണ്ഡം , 60 , 66 അദ്ധ്യായങ്ങളിലാണ് ബാർബറികനെക്കുറിച്ച് പരാമർശമുള്ളത്‌ .