ദാവൂദ്

ദാവൂദ് നബി ഖുർആനിൽ പേര് പരാമർശിച്ചിട്ടുള്ള 25 പ്രവാചകന്മാരിലൊരാളാണ്. ഹീബ്രു ഭാഷയിലുള്ള സബൂർ എന്ന വേദഗ്രന്ഥം ഇദ്ദേഹത്തിന് ലഭിച്ചതായും പരാമർശിക്കപ്പെടുന്നു. പടയങ്കിയും, ഇരുമ്പ് കവചവും നിർമ്മിക്കുവാൻ വശമുള്ള പ്രവാചകനായിരുന്നു ദാവൂദ് നബിയെന്നും ആദ്യമായി അങ്കി നിർമിച്ചത് ഇദ്ദേഹമാണെന്നുമാണ് വിശ്വാസങ്ങൾ. ഇസ്രായേലിലെ ജാലൂത്ത് എന്ന അക്രമിയായ ഒരു ഭരണാധികാരിക്കെതിരെ യുദ്ധത്തിൽ വിജയിച്ച് ഭരണാധികാരിയായ ദാവൂദ് ഒരേ സമയം രാജത്വവും പ്രവാചകത്വവും ഒരുമിച്ചു നിർവ്വഹിച്ച പ്രവാചകനാണ്.