ചങ്ങരംകുളം

നാലു റോഡുകളുടെ സംഗമമാണ്‌ ചങ്ങരംകുളം ജംഗ്ഷൻ.

• പടിഞ്ഞാറ്- നരണിപ്പുഴ, മൂക്കുതല, എരമംഗലം തുടങ്ങിയ പ്രദേശങ്ങളിലേക്കുള്ള റോഡ്.
• കിഴക്ക്- പാവിട്ടപ്പുറം , വളയംകുളം, കോക്കൂർ, കുന്നംകുളം, ഗുരുവായൂർ, ചാവക്കാട്, തൃശ്ശൂർ, ചാലിശ്ശേരി, പട്ടാമ്പി എന്നിവിടങ്ങളിലേക്കുള്ള റോഡ്.
• വടക്ക്- മാന്തടം, പന്താവൂർ, എടപ്പാൾ, കുറ്റിപ്പുറം, കോഴിക്കോട് പോകുന്ന റോഡ്.
• തെക്ക്- നന്നമുക്ക്, കല്ലൂർമ്മ, ആൽത്തറ പോകുന്ന റോഡ്.

ചുറ്റുഭാഗത്തുമുള്ള നിരവധി ഗ്രാമങ്ങൾ ആശ്രയിക്കുന്ന അങ്ങാടിയാണ്‌ ചങ്ങരംകുളം. ധാരാളം വ്യാപാര സ്ഥാപനങ്ങൾ ഇവിടെയുണ്ട്. മിക്കവാറും ബാങ്കുകൾക്ക് ഇവിടെ ശാഖകൾ ഉണ്ട്.

വിദ്യാഭ്യാസ വിദഗ്ദ്ധനായ പി. ചിത്രൻ നമ്പൂതിരിപ്പട്, അദ്ധ്യാപകനും എഴുത്തുകാരനുമായിരുന്ന യശശ്ശരീരനായ എൻ.എൻ.തലാപ്പിൽ, കവിയും പ്രഭാഷകനുമായ ആലങ്കോട് ലീലാകൃഷ്ണൻ, എഴുത്തുകാരൻ താഹിർ ഇസ്മായിൽ എന്നിവർ ചങ്ങരംകുളത്തുകാരാണ്.