കപ്പൽ

പോളിനേഷ്യൻ വംശക്കാരാണ് ആദ്യമായി സമുദ്രയാനങ്ങൾ നിർമ്മിച്ചതെന്ന് കരുതപ്പെടുന്നു. ഇന്നത്തെ ചൈനയുടെ തീരങ്ങളിൽ നിന്ന് എണ്ണായിരം വർഷങ്ങൾക്കു മുമ്പുതന്നെ അവർ തങ്ങളുടെ തോണികൾ ഉപയോഗിച്ച് പോലിനേഷ്യൻ-മെലനേഷ്യൻ ദ്വീപുകളിലും തുടർന്ന് ന്യൂ സീലണ്ട്, ഹവായ്, തുടങ്ങിയ വിദൂരശാന്തസമുദ്രദ്വീപുകളിലും എത്തിപ്പെട്ടിരുന്നു. സി.ഇ. 750-ഓടെ അവർ തെക്കേ അമേരിക്കയുടെ പടിഞ്ഞാറൻ തീരങ്ങളിലും എത്തി. പുരാതന ഈജിപ്റ്റ്കാർ, ഫിനീഷ്യർ, ഗ്രീക്കുകാർ, റോമാക്കാർ,വൈക്കിങ്ങുകൾ,ചൈനാക്കാർ,‍അറബികൾ എന്നിവരും പിൽക്കാലത്ത് കപ്പലുകൾ നിർമ്മിച്ചിരുന്നു.

ബി.സി.ഇ. മൂന്നാം സഹസ്രാബ്ദത്തോടെത്തന്നെ ഈജിപ്തുകാർ കപ്പൽ നിർമ്മാണവിദ്യ സ്വായത്തമാക്കിയിരുന്നു. തടിപ്പലകകൾ തമ്മിൽ ബലമുള്ള നാരുകൾ ഉപയോഗിച്ച് തുന്നിച്ചേർത്താണ് അവർ കപ്പലുകൾ ഉണ്ടാക്കിയിരുന്നത്. പിൽക്കാലത്ത് ഫിനീഷ്യർ സ്വന്തമായി കപ്പൽനിർമ്മാണം തുടങ്ങുകയും മദ്ധ്യധരണ്യാഴിയുടെ തീരങ്ങളിലെല്ലാം താവളങ്ങളുണ്ടാക്കുകയും ചെയ്തു. അവർക്കു ശേഷമാണ് ഗ്രീക്കുകാരും റോമക്കാരും കപ്പൽനിർമ്മാണം തുടങ്ങന്നത്.

ഫിനീഷ്യന്മാരുടെ നിർമ്മിതിയെന്നു കരുതുന്ന ഒരു അസ്സീറിയൻ യുദ്ധക്കപ്പലിന്റെ കൊത്തുചിത്രം, നിനവേയിൽ നിന്ന്, 700 ബി.സി.ഇ ക്കടുത്ത്.

സിന്ധുനദീതീരങ്ങളിൽ അയ്യായിരം വർഷങ്ങൾക്കു മുമ്പുണ്ടായിരുന്ന മോഹഞ്ജോ ദാരോ സംസ്കൃതിയുടെ കാലത്ത് അവിടങ്ങളിലും കപ്പൽ നിർമ്മാണ വിദ്യ നിലവിലുണ്ടായിരുന്നു. അക്കാലത്ത് അവിടെ കടലിനോടു ചേർന്ന് വേലിയേറ്റം ഉപയോഗപ്പെടുത്തി ഒരു തുറമുഖം ഉണ്ടായിരുന്നു എന്നും മെസോപ്പൊട്ടേമിയയുമായി കടൽ വഴി വ്യാപാരം നടന്നിരുന്നു എന്നും കണ്ടെത്തിയിട്ടുണ്ട്. ബി.സി.ഇ. ഒന്നാം സഹസ്രാബ്ദത്തിൽ തന്നെ ചൈനയിലും ദീർഘദൂരയാത്രക്കുതകുന്ന കപ്പലുകൾ നിർമ്മിക്കാൻ തുടങ്ങിയിരുന്നു[1]

അമേരിഗോ വെസ്പൂച്ചി എന്ന ആധുനിക ഇറ്റാലിയൻ പായ്ക്കപ്പൽ, ന്യൂയോർക്ക് തുറമുഖത്തിൽ, മുഴുവൻ പായകളും വിടർത്തിയിരിക്കുന്നു.1976

ആദ്യകാലത്ത് മനുഷ്യശക്തി ഉപയോഗിച്ചാണ് കപ്പലുകളും ഓടിച്ചിരുന്നത്. തുഴച്ചിൽക്കാരുടെ അദ്ധ്വാനമായിരുന്നു കപ്പലിന്ന് ഊർജ്ജം നൽകിയിരുന്നത്. കപ്പലിന്റെ ഓരോ വശത്തും നിരയായി തുഴച്ചിൽക്കാർ ഇരുന്ന് തുഴയുകയായിരുന്നു രീതി. ഓരോ വശത്തും ഒന്നോ, രണ്ടോ, മൂന്നോ തട്ടുകളിലായി ആവുന്നത്ര തുഴച്ചിൽക്കാരെ ഏർപ്പാടാക്കുകയായിരുന്നു പതിവ്.

തുടർന്നാണ് കപ്പൽപ്പായകൾ പ്രചാരത്തിൽ വരുന്നത്. കടലിലടിക്കുന്ന കാറ്റുകൂടി ഉപയോഗപ്പെടുത്താൻ ഇതുമൂലം സാധിച്ചു. പതിനെട്ടാം നൂറ്റാണ്ടുവരെ പായ്ക്കപ്പലുകളാണ് സമുദ്രയാത്രക്കുപയോഗിച്ചിരുന്നത്. ആവിയന്ത്രങ്ങൾ ഉപയോഗിക്കുന്ന ആവിക്കപ്പലുകൾ ഇക്കാലത്ത് പ്രചാരത്തിലായി. ആധുനികകാലത്ത് പെട്രോളിയം ഇന്ധനങ്ങൾ ഉപയോഗിക്കുന്ന എഞ്ചിനുകളാണ് കപ്പലുകളിലുള്ളത്.

ഒരു കപ്പൽ

• യാത്രാക്കപ്പൽ
• ചരക്കുകപ്പൽ
  • പത്തേമാരി - ഉരു
  • ബൾക്ക് കാരിയർ
  • കണ്ടയ്നർ കപ്പൽ
  • ബാർജ്ജ്
  • എണ്ണക്കപ്പൽ

• യുദ്ധക്കപ്പൽ
  • വിമാനവാഹിനിക്കപ്പൽ
  • അന്തർവാഹിനി
  • ഫ്രിഗേറ്റ്
  • ഉഭയയാനം

<references>

• 
  കൊച്ചി കായലിൽ നിന്ന് ഒരു ദൃശ്യം
• 
  ക്യട്ടി സാർക്ക്
• 
  2006 മുതൽ 2009 വരെ ലോകത്തിലെ ഏറ്റവും വലിയ യാത്രക്കപ്പലായിരുന്ന ഫ്രീഡം ഓഫ് സീസ്
• 
  ഹോങ്കോങ്ങിൽ ഉപയോഗത്തിലിരിക്കുന്നൊരു ആധുനിക ജങ്ക്
• 
  എൻറർപ്രൈസ് - ലോകത്തിലെ ആദ്യ ആണവവിമാനവാഹിനിക്കപ്പൽ.
• 
  ബ്ലൂ മർലിൻ എന്ന കപ്പൽ ഒരു യുദ്ധക്കപ്പലിനെ വഹിക്കുന്നു.
• 
  പത്തേമാരി, ഇപ്പോൾ കുവൈറ്റിലെ മ്യുസ്യത്തിൽ.
• 
  ആണവഅന്തർവാഹിനിക്കപ്പൽ മിസൈൽ വിക്ഷേപിക്കുന്നു.
• 
  നോവീജിയൻ ഡാൺ എന്ന യാത്രക്കപ്പൽ കേപ്പ് കോഡിനു സമീപം
• 
  കുവൈറ്റിലെ ഫയിലക്കദ്വീപിലേക്ക് ആളുകളും വാഹനങ്ങളുമായെത്തുന്ന ജങ്കാർ
• 
  ഫോർട്ട് കൊച്ചിയിൽ നിന്നും ഒരു ദൃശ്യം

• International Commission for Maritime History
• Society for Nautical Research
• North American Society for Oceanic History
• Canadian Society for Nautical Research
• The Australian Association for Maritime History
• Nederlandse Vereniging voor Zeegeschiedenis
• Sociéte française d'histoire maritime

1. https://en.wikipedia.org/wiki/Ship.