ഉഴുന്ന്

വാതകോപത്തെ ശമിപ്പിക്കുന്നതു കൂടാതെ, ശരീരത്തെ തണുപ്പിക്കുകയും തടിപ്പിക്കുകയും ചെയ്യുന്നു. ധാതുബലം, ശുക്ലവർദ്ധന എന്നിവയെ സഹായിക്കുകയും ചെയ്യുന്നു. ആയുർവേദപ്രകാരം പിത്തം, രക്തദോഷം, ക്ഷയം, ജ്വരം, ചുമ എന്നീ അസുഖങ്ങളെ തടയുന്നു. പക്ഷേ, ഉഴുന്ന് കഫത്തെ വർദ്ധിപ്പിക്കുന്നു.[1] ഉഴുന്ന് വാജീകരണ ചികിത്സയിൽ വളരെയധികം ഉപയോഗിക്കുന്ന വസ്തുവാണ്‌.[1]

ലൈംഗികശേഷി കുറഞ്ഞവർക്കും നശിച്ചവർക്കും ദിവസവും ഉഴുന്ന് പാലിൽപുഴുങ്ങി, ഉണക്കിപ്പൊടിച്ച് ഓരോ കരണ്ടി പശുവിൻ പാലിൽ ചേർത്തുകാച്ചി അത്താഴത്തിനുശേഷം സേവിക്കുകയാണെങ്കിൽ ലൈംഗികശേഷി വർദ്ധിപ്പിക്കും. ശുക്ലവർദ്ധനവിനായി ഉഴുന്ന്‌, ശർക്കര, തേങ്ങാപ്പാലിൽ ചേർത്ത് പായസം ഉണ്ടാക്കിക്കഴിച്ചാൽ മതിയാകും. കൂടാതെ പച്ചനെല്ലിക്കയുടെ നീര്‌, അതിനാനുപാതികമായി ഉഴുന്ന് പൊടിച്ചതും, ബദാംപരിപ്പും ശർക്കരയും തേനും ചേർത്ത് രാത്രിയിലെ ആഹാരത്തിനുശേഷം കഴിക്കുകയാണെങ്കിൽ ധാതുബലം വർദ്ധിക്കുന്നതാണ്‌.[1]

ഉഴുന്ന്, ദേവദാരം, കുറുന്തോട്ടിവേര്‌ എന്നിവ മാഷാർവാദികഷായം എന്ന ഔഷധത്തിലെ പ്രധാന ചേരുവകളാണ്‌. ഈ കഷായം ഹൃദ്രോഗത്തിന്‌ മരുന്നായി ഉപയോഗിക്കുന്നു. ഉഴുന്ന്, ചെറുപയർ എന്നിവ വച്ച് ഊറ്റിയെടുത്തതിൽ കുറുന്തോട്ടിവേര്‌ കഷായവും ചേർത്ത് എണ്ണകാച്ചിയരച്ച് തേച്ചാൽ മിക്കവാറുമുള്ള എല്ലാ വേദനകൾക്കും ഔഷധമായി ഉപയോഗിക്കുന്നു.[1]

1. ഡോ.ഗോപാലകൃഷ്ണപിള്ള, വൈദ്യരത്നം വേലായുധൻ നായർ എന്നിവരുടെ "ആരോഗ്യവിജ്ഞാനകോശം" എന്ന പുസ്തകത്തിൽ നിന്നും, ആരാധന പബ്ലിക്കേഷൻസ്, ഷോർണൂർ, താൾ 109-110

മണ്ണിലെ നൈട്രജന്റെ അളവ്‌ വർദ്ധിപ്പിക്കാൻ സഹായിക്കുന്നതിനാൽ ഇത് ഇടവിളയായി കൃഷി ചെയ്തുവരുന്നു.

• http://www.gene.affrc.go.jp/htbin/plant/image/get_logo_e?plno=54261009