ഇരിട്ടി

കണ്ണൂർ ജില്ലയിലെ മലയോരമേഖലയിലുള്ള ഒരു പ്രധാന പട്ടണമാണ്‌ ഇരിട്ടി. തലശ്ശേരി - വീരാജ്പേട്ട അന്തർ സംസ്ഥാനപാത (SH-30), ഇരിട്ടി-തളിപ്പറമ്പ് സംസ്ഥാനപാത (SH-30) എന്നിവ ഇരിട്ടിയിലൂടെ കടന്നുപോകുന്നു. പായം, കീഴൂർ, ആറളം, അയ്യൻകുന്ന്, ഉളിക്കൽ എന്നീ പഞ്ചായത്തുകളെ ഉൾപ്പെടുത്തി 2014-ൽ കണ്ണൂർ ജില്ലയിലെ നാലാമത്തെ താലൂക്ക് ആയി ഇരിട്ടി താലുക്ക് രൂപികരിച്ചു.[1] സമീപ സ്ഥലങ്ങളിലെ കർഷകരുടെ പ്രധാന വിപണന കേന്ദ്രമാണ്‌ ഈ പട്ടണം. 2015ൽ ഇരിട്ടിയെ മുനിസിപ്പാലിറ്റി ആയി ഉയർത്തി. കണ്ണൂരിൽ നിന്നും തലശ്ശേരിയിൽ നിന്നും തളിപ്പറമ്പിൽ നിന്നും ഏകദേശം ഒരേ ദൂരമാണ് ഇരിട്ടിയിലേക്കുള്ളത്. ഇവിടെ നിന്നും എത്തിച്ചേരാവുന്ന മറ്റ് പ്രധാന സ്ഥലങ്ങൾ പേരാവൂർ, കൂട്ടുപുഴ, വള്ളിത്തോട്‌, കിളിയന്ത്ര, പേരട്ട, ഉളിക്കൽ,വട്ടിയാംതോട്‌,മാട്ടറ, മണിക്കടവ്‌,നുച്യാട്, മണിപ്പാറ,കാഞ്ഞിരക്കൊല്ലി,പയ്യാവൂർ ,ഇരിക്കൂർ, ശ്രീകണ്ഠപുരം, എടൂർ, മാടത്തിൽ, കരിക്കോട്ടക്കരി,വെളിമാനം, കീഴ്പ്പള്ളി, എടപ്പുഴ, അങ്ങാടിക്കടവ്, വാണിയപ്പാറ എന്നിവയാണ്.

ഇരിട്ടി
ഇരിട്ടി
Location of ഇരിട്ടി
in കേരളം and India
രാജ്യം  ഇന്ത്യ
സംസ്ഥാനം കേരളം
ജില്ല(കൾ) കണ്ണൂർ
ഏറ്റവും അടുത്ത നഗരം തലശ്ശേരി(41 കി.മി), കണ്ണൂർ(42 കി.മി), തളിപ്പറമ്പ (47 കി.മി), മട്ടന്നൂർ(14 കി.മി)
ലോകസഭാ മണ്ഡലം കണ്ണൂർ
സ്ത്രീപുരുഷ അനുപാതം 1030:1000 ♂/♀
സാക്ഷരത 100%%
സമയമേഖല IST (UTC+5:30)
വെബ്‌സൈറ്റ് WWW.IRITTY.COM

ഗതാഗതം

കണ്ണൂർ നഗരത്തിൽ നിന്ന് 42 കിലോമീറ്ററും തലശ്ശേരി നഗരത്തിൽ നിന്ന് 42 കിലോമീറ്ററും തളിപ്പറമ്പിൽ നിന്ന് 47 കിലോമീറ്ററും ആണ് ഇരിട്ടിയിലെക്കുള്ള ദൂരം. ഏറ്റവും അടുത്തുള്ള റെയിൽവേ സ്റ്റേഷനുകൾ തലശ്ശേരിയും കണ്ണൂരും ആണ്. ഏറ്റവും അടുത്തുള്ള വിമാനത്താവളം കണ്ണൂരും മംഗലാപുരവും ആണ്. കണ്ണൂർ അന്താരാഷ്ട്ര വിമാനത്താവളത്തിൽ നിന്നും 18KM മാത്രമാണ് ഇരിട്ടിയിലേക്കുള്ള ദൂരം.[2] ജില്ലയിലെ ഏറ്റവും പ്രധാനപ്പെട്ട പാതകളിൽ ഒന്നായ തലശ്ശേരി-ഇരിട്ടി- വീരാജ്പേട്ട പാത ഇരിട്ടിയിലൂടെ കടന്നു പോകുന്നു .ഇരിട്ടിയുമായി ഏറ്റവും അടുത്ത് നിൽക്കുന്ന സ്ഥലമാണ്‌ കീഴൂർ ഇവിടെ നിന്ന് 2 കിലോ മിറ്റർ ദുരം മാത്രമേ ഇരിട്ടിയിലേക്ക്‌ ഉള്ളു.[3]ഇരിട്ടിയിൽ നിന്നും എറണാകുളം, കോട്ടയം, കോഴിക്കോട്, കാസർഗോഡ്‌,കാഞ്ഞങ്ങാട്,ചെറുപുഴ, വയനാട്‌, ബാംഗ്ലൂർ, മംഗലാപുരം, കണ്ണൂർ, തലശേരി,വീരാജ്പേട്ട, മൈസൂർ എന്നി സ്ഥലങ്ങളിലേക്ക് ബസ്‌ സർവിസുകൾ ഉണ്ട്. പ്രൈവറ്റ് സർവിസും കെ.എസ്.ആർ.ടി.സി സർവിസുകളും ദിവസവും ഇരിട്ടിയിൽ നിന്ന് ഉണ്ട്. ഇരിട്ടിയിൽ നേരമ്പോക്ക് റോഡ് എന്ന ഒരു റോഡ് ഉണ്ട്

ഇരിട്ടി പുഴ

ഇരിട്ടി എന്ന് പേര് വരാനുള്ള കാരണം ബാരാപുഴയും, ബാവലി പുഴയുമാണ് . ഈ പ്രധാനപ്പെട്ട രണ്ടു പുഴകളും കുടിച്ചേരുന്ന സ്ഥലമായത് കൊണ്ട് നാട്ടുകാർ ഈ പുഴയെ ഇരട്ടപ്പുഴ എന്ന് വിളിച്ചു തുടങ്ങി. അങ്ങനെ ഇരട്ടപ്പുഴ ഒഴുകുന്ന സ്ഥലം പിന്നിട് ഇരിട്ടി എന്ന് ആയി. ഈ പേരിന് പിന്നിൽ വേറെയും ചില നാട്ടറിവുകൾ ഉണ്ട്. ആറളം പുഴ, വെനി പുഴ എന്നിവ ഇരിട്ടിയിൽ കൂടി ഒഴുകുന്ന പുഴകളാണ്. പച്ചപ്പ്‌ പുതച്ച ഈ മലയോര മേഖലയുടെ സിരാകേന്ദ്രത്തെ ഹരിതനഗരം എന്നാണ് വിളിക്കുന്നത്‌.

ഇരിട്ടി പാലത്തിന്റെ മറ്റൊരു ദൃശ്യം

കാലാവസ്ഥ

പൊതുവെ വേനൽ കാലത്ത് നല്ല ചുടും മഴ കാലത്ത് നല്ല മഴയും ലഭിക്കാറുണ്ട്. കുന്നും മലകളും വനവും കുടുതൽ ഉള്ളത് കൊണ്ട് ഇവിടെ ജൂണിൽ കാലവർഷം ആരംഭിച്ചു മൺസൂൺ തീരുന്നത് വരെ നല്ല മഴ ലഭിക്കാറ്‌ ഉണ്ടെങ്കിലും വേനൽക്കാലത്ത് കടുത്ത വരൾച്ചയും ഉണ്ടാകാറുണ്ട്.

Iritty, Kerala പ്രദേശത്തെ കാലാവസ്ഥ
മാസം ജനു ഫെബ്രു മാർ ഏപ്രി മേയ് ജൂൺ ജൂലൈ ഓഗ സെപ് ഒക് നവം ഡിസം വർഷം
ശരാശരി കൂടിയ °C (°F) 31.6
(88.9)		 32.5
(90.5)		 33.6
(92.5)		 33.9
(93)		 33.2
(91.8)		 29.9
(85.8)		 28.6
(83.5)		 29.0
(84.2)		 29.7
(85.5)		 30.5
(86.9)		 31.0
(87.8)		 31.2
(88.2)		 31.23
(88.22)
ശരാശരി താഴ്ന്ന °C (°F) 21.4
(70.5)		 22.6
(72.7)		 24.3
(75.7)		 25.7
(78.3)		 25.6
(78.1)		 23.9
(75)		 23.4
(74.1)		 23.5
(74.3)		 23.5
(74.3)		 23.6
(74.5)		 22.9
(73.2)		 21.5
(70.7)		 23.49
(74.28)
മഴ/മഞ്ഞ് mm (inches) 3
(0.12)		 4
(0.16)		 12
(0.47)		 85
(3.35)		 283
(11.14)		 867
(34.13)		 1,332
(52.44)		 711
(27.99)		 329
(12.95)		 279
(10.98)		 106
(4.17)		 23
(0.91)		 4,034
(158.81)
Source: Climate-Data.org[4]

വാണിജ്യം

റബ്ബർ, കുരുമുളക്, തെങ്ങ് തുടങ്ങിയവയാണ് മലയോര മേഖലയിലെ പ്രധാന കൃഷികൾ. ഈ കൃഷികളുടെ സാധ്യത മനസ്സിലാക്കി കൊണ്ട് ഏറ്റവും കുടുതൽ മലഞ്ചരക്ക് വ്യാപാര സ്ഥാപനങ്ങൾ ഉള്ളത് ഇരിട്ടിയിൽ ആണ്. കർഷകർ ഇതൊക്കെ വിറ്റഴിക്കുന്നത് ഇവിടെയാണ്. കർഷകർക്ക് തങ്ങളുടെ കാർഷിക ഉൽപന്നങ്ങൾക്ക് ന്യായമായ വിലയും ലഭിക്കുന്നുണ്ട്. കെ.കെ.ടൂറിസ്റ്റ് ഹോം, സുര്യ ടൂറിസ്റ്റ് ഹോം, ഫാൽകൻ പ്ലാസ, ഇയോട്ട് ഫാമിലി റസ്റ്റോറെന്റ്, കനൽ ഫാമിലി റസ്റ്റോറെന്റ് എന്നിവയാണ് ഇരിട്ടിയിലെ പ്രധാനപ്പെട്ട ഹോട്ടൽ സ്ഥാപനങ്ങൾ.

1933 ൽ ബ്രിട്ടീഷുകാർ ഇരിട്ടിപ്പുഴക്ക് (വളപട്ടണം പുഴ) കുറുകെ നിർമ്മിച്ച ഉരുക്കുപാലം
ബ്രിട്ടീഷുകാരുണ്ടാക്കിയ HQ പാലം
ഇരിട്ടി നഗരം ഒരു ആകാശ കാഴ്ച്ച

പ്രാഥമിക വിദ്യാഭ്യാസസ്ഥാപനങ്ങൾ
  • സേക്രട്ട് ഹാർട്ട്‌ ഹയർസെക്കന്ററി സ്കൂൾ, അങ്ങാടിക്കടവ്
  • ഇരിട്ടി ഹയർസെക്കന്ററി സ്കൂൾ
  • കീഴൂർ വാഴുന്നവേഴ്സ് യു പി സ്കൂൾ
  • എടൂർ ഹയർസെക്കന്ററി സ്കൂൾ

പ്രൊഫഷണൽ വിദ്യാഭ്യാസസ്ഥാപനങ്ങൾ
  • ഡോൺ ബോസ്കോ കോളേജ്,അങ്ങാടിക്കടവ്
  • ഇരിട്ടി എം ജി കോളേജ്

അവലംബം
  1. http://www.thehindu.com/todays-paper/tp-national/tp-kerala/iritty-taluk-inauguration/article5663181.ece
  2. "Kannur International Airport".
  3. "Iritty More information of Iritty".
  4. "CLIMATE: IRITTY", Climate-Data.org. Web: .

പുറം കണ്ണികൾ
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.