അല്ലാഹു
അറബി ഭാഷയിൽ ഏകദൈവത്തെ സൂചിപ്പിക്കുന്ന പദമാണ് അല്ലാഹു. (ആംഗലേയം: Allāh; അറബി: - اﷲ). ഈ അറബി വാക്ക് പുല്ലിംഗമോ സ്ത്രീലിംഗമോ ദ്വിവചനമോ ബഹുവചനമോ അല്ല. ഭാഷാപരമായി തികച്ചും ഏക ദൈവത്തെ സൂചിപ്പിക്കുന്നതാണ്‌ ഈ വാക്ക്. നാനാമതക്കാരായ അറബികൾ ദൈവത്തെ സൂചിപ്പിക്കാൻ ഈ പദം ഉപയോഗിച്ചു വരുന്നു..കൂടാതെ ലോകത്തെമ്പാടുമുള്ള ഇസ്ലാം മത വിശ്വാസികൾ ഏക ദൈവത്തെ ഈ പദമുപയോഗിച്ചാണ് പരാമർശിക്കാറുള്ളത്.എന്നാൽ അല്ലാഹു എന്ന പദത്തിന്റെ അർത്ഥ വ്യാപ്തി ഉൾകൊള്ളുന്ന മറ്റൊരു പദം വേറെ ഭാഷയിൽ കണ്ടെത്താൻ സാധ്യമല്ല. അതിനാൽ ദൈവം എന്നതിന്റെയോ ഏകദൈവം എന്നതിന്റെയോ പര്യായം അല്ല അല്ലാഹു.
|
ഇസ്ലാം മതം |
| വിശ്വാസങ്ങൾ |
|
അല്ലാഹു - ദൈവത്തിന്റെ ഏകത്വം |
| അനുഷ്ഠാനങ്ങൾ |
|
വിശ്വാസം • പ്രാർഥന |
| ചരിത്രവും നേതാക്കളും |
|
മുഹമ്മദ് ബിൻ അബ്ദുല്ല |
| ഗ്രന്ഥങ്ങളും നിയമങ്ങളും |
| മദ്ഹബുകൾ |
|
ഹനഫി • മാലികി |
| പ്രധാന ശാഖകൾ |
|
സുന്നി • ശിയ |
| പ്രധാന മസ്ജിദുകൾ |
|
മസ്ജിദുൽ ഹറം • മസ്ജിദുന്നബവി |
| സംസ്കാരം |
|
കല • തത്വചിന്ത |
| ഇതുംകൂടികാണുക |
|
ഇസ്ലാമും വിമർശനങ്ങളും |
|
ഇസ്ലാം കവാടം |
വിശേഷണങ്ങൾ
ഇസ്ലാമിക വിശ്വാസപ്രകാരം അല്ലാഹുവിന്റെ വിശേഷണങ്ങൾ:
ഏതൊരു ശക്തിയാണോ സർവ്വ ലോകത്തിന്റെയും സ്രഷ്ടാവും സംവിധായകനും സംരക്ഷകനുമായവൻ ആ ശക്തിയേ അറബിയിൽ അല്ലാഹു എന്ന് വിളിക്കുന്നു,അല്ലാഹുവിന്റെ പ്രകൃതി ഏകകമാണ്. ﴾هُوَ اللَّهُ أَحَد ﴿. ഭൂമിയിലോ ആകാശലോകത്തോ അവന്റെ അറിവോ സമ്മതമോ ഇല്ലാതെ യാതൊന്നും ചലിക്കുകയോ സ്പന്ദിക്കുകയോ ഇല്ല. മനുഷ്യന്റെ ചിന്തകളും നിശ്വാസങ്ങളും അവനറിയുന്നു. മാതാവിന്റെ ഗർഭപാത്രത്തിലെ രൂപം പ്രാപിക്കുന്ന ഭ്രൂണത്തിന്റെ സ്പന്ദനം പോലും അവന്റെ കേൾവിയിലുണ്ട്. അതിൽ രൂപം കൊള്ളുന്ന ഓരോ അണുവിലും ഓരോ മൗലിക ഗണത്തിലും സൂക്ഷ്മ ഗണത്തിലും അവന്റെ ഇടപെടലുകളുണ്ട്. അതിനാൽ അവൻ സകലതും ദർശിക്കുന്നവനും സകലതും കേൾക്കുന്നവനുമാണ് ﴾وَهُوَ السَّمِيعُ البَصِير ﴿.[1]
| അറബിയിൽ |
| اﷲ |
| Transliteration |
| Allāh |
| തർജ്ജമ |
| God |
- "(നബിയെ,) പറയുക:കാര്യം അല്ലാഹു ഏകനാണ് എന്നതാകുന്നു. അല്ലാഹു ഏവർക്കും ആശ്രയമായിട്ടുള്ളവനാകുന്നു. അവൻ(ആർക്കും)ജന്മം നൽകിയിട്ടില്ല.(ആരുടെയും സന്തതിയായി) ജനിച്ചിട്ടുമില്ല.അവന്നു തുല്യനായി ആരുമില്ലതാനും." ഖുർ-ആൻ (112 ആം അധ്യായം)
മനുഷ്യന്റെ ചിന്തകൾക്ക് അവനെ പരിപൂർണർത്ഥത്തിൽ മനസ്സിലാക്കാനാവില്ല. പ്രപഞ്ചത്തിലെ ഒന്നിനോടും അവന് സാമ്യതകളും സമാനതകളുമില്ല.
- "പറയുക: മനുഷ്യരെ, തീർച്ചയായും ഞാൻ നിങ്ങളിലേക്കെല്ലാമുള്ള അല്ലാഹുവിന്റെ ദൂതനാകുന്നു. ആകാശങ്ങളുടേയും, ഭൂമിയുടേയും ആധിപത്യം ഏതൊരുവനാണോ അവന്റെ (ദൂതൻ). അവനല്ലാതെ ഒരു ദൈവവുമില്ല. അവൻ ജീവിപ്പിക്കുകയും മരിപ്പിക്കുകയും ചെയ്യുന്നു.അതിനാൽ നിങ്ങൾ അല്ലാഹുവിലും അവന്റെ ദൂതനിലും വിശ്വസിക്കുവിൻ.അതെ, അല്ലാഹുവിലും അവന്റെ വചനങ്ങളിലും വിശ്വസിക്കുന്ന, അക്ഷരജ്ഞാനമില്ലാത്ത ആ പ്രവാചകനിൽ.അദ്ദേഹത്തെ നിങ്ങൾ പിൻപറ്റുവിൻ. നിങ്ങൾക്ക് നേർമാർഗ്ഗം പ്രാപിക്കാം." (സൂറ 7:158)
നിരുക്തം
അൽ ഇലാഹ് "al-ilah" എന്നാൽ ഒരു പ്രത്യേക ദൈവത്തിന്റെ നാമമല്ല ഏക ദൈവം എന്നാണു. ഇസ്ലാം മത വിശ്വാസത്തിന്റെ കാതൽ ഏക ദൈവം എന്നതിലും ഏക ദൈവത്തിലുള്ള അടിയുറച്ച വിശ്വാസത്തിലുമാണു. അൽ ഇലാഹ് (അർത്ഥം: ദൈവം, The God )എന്ന അറബി വാക്കിന്റെ ലോപ ശബ്ദമാണ് അല്ലാഹു. ഹീബ്രു ഭാഷയിൽ ഇലാഹ് എന്നാൽ ദൈവം എന്നർത്ഥം. ഇലാഹ് എന്ന പദത്തിനു മുന്നിലായി അറബി ഭാഷയിലുള്ള അൽ എന്ന പദം ചേർത്താണ് അല്ലാഹു എന്ന പദം ഉണ്ടാക്കിയിരിക്കുന്നത്.
അല്ലാഹുവിന്റെ പേരുകൾ
ഖുർആനിൽ അല്ലാഹു വ്യത്യസ്തങ്ങളായ 99 പേരുകൾ ഉപയോഗിച്ച് സ്വയം പരിചയപ്പെടുത്തുന്നു. ഈ പേരുകൾ പൊതുവേ "അസ്മാഅ് അൽ ഹുസ്നാ" (Arabic: أسماء الله الحسنى)എന്നറിയപ്പെടുന്നു. അബു ഹുറയ്റ ഒരു ഹദീസിൽ ഇപ്രകാരം പറയുന്നു; "അല്ലാഹുവിന് 99 പേരുകൾ ഉണ്ട്. അവയെ ഹൃദിസ്തമാക്കുകയും അവ ഉരുവിടുകയും അവയിൽ വിശ്വസിക്കുകയും ചെയ്യുന്നവർ സ്വർഗ്ഗത്തിൽ പ്രവേശിക്കും.
| # | അറബി | മലയാളം | മലയാളം തർജ്ജുമ | ഖുർആനിലെ ഉപയോഗം |
|---|---|---|---|---|
| 1 | الرحمن | അർ-റഹ്മാൻ | കാരുണ്യവാൻ | എല്ലാ അദ്ധ്യായങ്ങളുടെയും ആരംഭത്തിൽ, സൂറ 55, അർ-റഹ്മാനിൽ |
| 2 | الرحيم | അർ റഹീം | കരുണാമയൻ | എല്ലാ അദ്ധ്യായങ്ങളുടെയും ആരംഭത്തിൽ |
| 3 | الملك | അൽ മാലിക്ക് | രാജാവ് | 59:23, 20:114 |
| 4 | القدوس | അൽ ഖുദ്ദൂസ് | പരിശുദ്ധൻ | 59:23, 62:1 |
| 5 | السلام | അസ്സലാം | രക്ഷയായവൻ | 59:23 |
| 6 | المؤمن | അൽ മുഅ്മിൻ | അഭയം നൽകുന്നവൻ | 59:23 |
| 7 | المهيمن | അൽ മുഹൈമിൻ | രക്ഷകൻ | 59:23 |
| 8 | العزيز | അൽ അസീസ് | പ്രതാപവാൻ | 3:6, 4:158, 9:40, 48:7, 59:23 |
| 9 | الجبار | അൽ ജബ്ബാർ | പരമാധികാരി | 59:23 |
| 10 | المتكبر | അൽ മുതകബ്ബിർ | ഏറ്റവും മഹത്ത്വമുള്ളവൻ | 59:23 |
| 11 | الخالق | അൽ ഖാലിക്ക് | സ്രഷ്ടാവ് | 6:102, 13:16, 39:62, 40:62, 59:24 |
| 12 | البارئ | അൽ ബാരി | ന്യായവാൻ | 59:24 |
| 13 | المصور | അൽ മുസവ്വിർ | രൂപം നൽകുന്നവൻ | 59:24 |
| 14 | الغفار | അൽ ഗഫ്ഫാർ | പൊറുക്കുന്നവൻ | 20:82, 38:66, 39:5, 40:42, 71:10 |
| 15 | القهار | അൽ കഹ്ഹാർ | അടക്കി ഭരിക്കുന്നവൻ | 13:16, 14:48, 38:65, 39:4, 40:16 |
| 16 | الوهاب | അൽ വഹ്ഹാബ് | അത്യുദാരൻ | 3:8, 38:9, 38:35 |
| 17 | الرزاق | അർ റസാക്ക് | ഉപജീവനം നൽകുന്നവൻ | 51:58 |
| 18 | الفتاح | അൽ ഫത്താഹ് | വിജയം നൽകുന്നവൻ | 34:26 |
| 19 | العليم | അൽ ആലിം | എല്ലാം അറിയുന്നവൻ | 2:158, 3:92, 4:35, 24:41, 33:40 |
| 20 | القابض | അൽ ഗാബിള് | പിടിച്ചെടുക്കുന്നവൻ | 2:245 |
| 21 | الباسط | അൽ ബാസിത് | വിശാലമാക്കുന്നവൻ | 2:245 |
| 22 | الخافض | അൽ ഖാഫിള് | താഴ്ത്തുന്നവൻ | 95:5 |
| 23 | الرافع | അർ റാഫി | ഉയർത്തുന്നവൻ | 58:11, 6:83 |
| 24 | المعز | അൽ മുഅസ് | പ്രതാപം നൽകുന്നവൻ | 3:26 |
| 25 | المذل | അൽ മുദിൽ | നിന്ദിക്കുന്നവൻ | 3:26 |
| 26 | السميع | അസ് -സാമി | എല്ലാം കേൾക്കുന്നവൻ | 2:127, 2:256, 8:17, 49:1 |
| 27 | البصير | അൽ-ബസ്വീർ | എല്ലാം കേൾക്കുന്നവൻ | 4:58, 17:1, 42:11, 42:27 |
| 28 | الحكم | അൽ ഹക്കം | തീർപ്പുകൽപ്പിക്കുന്നവൻ | 22:69 |
| 29 | العدل | അൽ അദ്‌ൽ | നീതി ചെയ്യുന്നവൻ | 6:115 |
| 30 | اللطيف | അൽ ലത്തീഫ് | മൃദുവായി പെരുമാറുന്നവൻ | 6:103, 22:63, 31:16, 33:34 |
| 31 | الخبير | അൽ ഖാബിർ | സൂക്ഷ്മജ്ഞാനമുള്ളവൻ | 6:18, 17:30, 49:13, 59:18 |
| 32 | الحليم | അൽ ഹലീം | സഹനമുള്ളവൻ | 2:235, 2:263, 4:12, 5:101, 17:44, 22:59, 33:51, 35:41, 64:17, |
| 33 | العظيم | അൽ അളീം | മഹത്ത്വം ഉടയവൻ | 2:255, 42:4, 56:96 |
| 34 | الغفور | അൽ ഗഫൂർ | പാപങ്ങൾ പൊറുക്കുന്നവൻ | 2:173, 8:69, 16:110, 41:32 |
| 35 | الشكور | അൽ ഷുക്കൂർ | പ്രതിഫലം നൽകുന്നവൻ | 35:30, 35:34, 42:23, 64:17 |
| 36 | العلي | അൽ ആലി | സമുന്നതൻ | 4:34, 31:30, 42:4, 42:51 |
| 37 | الكبير | അൽ കബീർ | വലിയവൻ | 13:9, 22:62, 31:30 |
| 38 | الحفيظ | അൽ ഹാഫിള് | കാത്തുരക്ഷിക്കുന്നവൻ | 11:57, 34:21, 42:6 |
| 39 | المقيت | അൽ മുഖീത് | ആഹാരം നൽകുന്നവൻ | 4:85 |
| 40 | الحسيب | അൽ ഹാസിബ് | വിചാരണ ചെയ്യുന്നവൻ | 4:6, 4:86, 33:39 |
| 41 | الجليل | അൽ ജലീൽ | പ്രതാപമുള്ളവൻ | 55:27, 39:14, 7:143 |
| 42 | الكريم | അൽ കരീം | ഔദാര്യവാൻ | 27:40, 82:6 |
| 43 | الرقيب | അർ റാഖിബ് | എല്ലാം വീക്ഷിക്കുന്നവൻ | 4:1, 5:117 |
| 44 | المجيب | അൽ മുജീബ് | പ്രാർത്ഥനക്ക് ഉത്തരം നൽകുന്നവൻ | 11:61 |
| 45 | الواسع | അൽ വാസി | അറിവിലും ദയയിലും വിശാലതയുള്ളവൻ | 2:268, 3:73, 5:54 |
| 46 | الحكيم | അൽ ഹാക്കിം | യുക്തിമാൻ | 31:27, 46:2, 57:1, 66:2 |
| 47 | الودود | അൽ വദൂദ് | സ്നേഹനിധി | 11:90, 85:14 |
| 48 | المجيد | അൽ മാജിദ് | മഹത്ത്വമുള്ളവൻ | 11:73 |
| 49 | الباعث | അൽ ബായിത് | പുനരുജ്ജീവിപ്പിക്കുന്നവൻ | 22:7 |
| 50 | الشهيد | അശ് ഷാഹിദ് | എല്ലാറ്റിനും സാക്ഷിയായവൻ | 4:166, 22:17, 41:53, 48:28 |
| 51 | الحق | അൽ ഹക്ക് | വാസ്തവമായവൻ | 6:62, 22:6, 23:116, 24:25 |
| 52 | الوكيل | അൽ വക്കീൽ | ഭരമേൽപ്പിക്കപ്പെടുന്നവൻ | 3:173, 4:171, 28:28, 73:9 |
| 53 | القوى | അൽ ഗവിയ്യ് | സർവ്വശക്തൻ | 22:40, 22:74, 42:19, 57:25 |
| 54 | المتين | അൽ മതീൻ | പ്രബലനായവൻ | 51:58 |
| 55 | الولى | അൽ വലിയ്യ് | രക്ഷാധികാരി | 4:45, 7:196, 42:28, 45:19 |
| 56 | الحميد | അൽ ഹാമിദ് | സ്തുതിക്കപ്പെട്ടവൻ | 14:8, 31:12, 31:26, 41:42 |
| 57 | المحصى | അൽ മുഹ്സി | ക്ലിപ്ത്പ്പെടുത്തുന്നവൻ | 72:28, 78:29, 82:10-12 |
| 58 | المبدئ | അൽ മുബ്ദി | തുടങ്ങുന്നവൻ | 10:34, 27:64, 29:19, 85:13 |
| 59 | المعيد | അൽ മുഅയ്ദ് | മടക്കുന്നവൻ | 10:34, 27:64, 29:19, 85:13 |
| 60 | المحيى | അൽ മുഹ്‌യി | ജീവിപ്പിക്കുന്നവൻ | 7:158, 15:23, 30:50, 57:2 |
| 61 | المميت | അൽ മുമീത്ത് | മരിപ്പിക്കുന്നവൻ | 3:156, 7:158, 15:23, 57:2 |
| 62 | الحي | അൽ ഹയ്യ് | എന്നും ജീവിക്കുന്നവൻ | 2:255, 3:2, 25:58, 40:65 |
| 63 | القيوم | അൽ ഖയ്യൂം | സ്വയം നിലനിൽക്കുന്നവൻ | 2:255, 3:2, 20:111 |
| 64 | الواجد | അൽ വാജിദ് | എല്ലാം കണ്ടെത്തിക്കുന്നവൻ | 38:44 |
| 65 | الماجد | അൽ മാജിദ് | മഹത്ത്വമുള്ളവൻ | 85:15, 11:73, |
| 66 | الواحد | അൽ വാഹിദ് | ഏകനായവൻ | 2:163, 5:73, 9:31, 18:110 |
| 67 | الاحد | അൽ അഹദ് | ഒറ്റയായവൻ | 112:1 |
| 68 | الصمد | അസ് സമദ് | ആരെയും ആശ്രയിക്കത്തവൻ | 112:2 |
| 69 | القادر | അൽ ഗദീർ | എല്ലാറ്റിനും കഴിയുന്നവൻ | 6:65, 36:81, 46:33, 75:40 |
| 70 | المقتدر | അൽ മുക്തദിർ | അതിശക്തനായവൻ | 18:45, 54:42, 54:55 |
| 71 | المقدم | അൽ മുകദ്ദിം | മുന്നിലാക്കുന്നവൻ | 16:61, 17:34, |
| 72 | المؤخر | അൽ മുഅ‌ഹ്ഹിർ | പിന്തിക്കുന്നവൻ | 71:4 |
| 73 | الأول | അൽ അവ്വൽ | ആദ്യം ഇല്ലാത്തവൻ | 57:3 |
| 74 | الأخر | അൽ ആഖിർ | അന്ത്യമില്ലാത്തവൻ | 57:3 |
| 75 | الظاهر | അസ് സാഹിർ | പ്രത്യക്ഷനായവൻ | 57:3 |
| 76 | الباطن | അൽ ബാത്വിൻ | പരോക്ഷനായവൻ | 57:3 |
| 77 | الوالي | അൽ വാലി | സർവ്വാധിപൻ | 13:11, 22:7 |
| 78 | المتعالي | അൽ മുതഅലി | ഔന്നത്യമുള്ളവൻ | 13:9 |
| 79 | البر | അൽ ബർ | ഗുണം ചെയ്യുന്നവൻ | 52:28 |
| 80 | التواب | അത് തവാബ് | പശ്ചാത്താപം സ്വീകരിക്കുന്നവൻ | 2:128, 4:64, 49:12, 110:3 |
| 81 | المنتقم | അൽ മുൻതകിം | ശിക്ഷിക്കുന്നവൻr | 32:22, 43:41, 44:16 |
| 82 | العفو | അൽ അഫ്വു | മാപ്പേകുന്നവൻ | 4:99, 4:149, 22:60 |
| 83 | الرؤوف | അർ റഊഫ് | കൃപ ചൊരിയുന്നവൻ | 3:30, 9:117, 57:9, 59:10 |
| 84 | مالك الملك | മാലിക് അൽ മുൽക്ക് | രാജാധിരാജൻ | 3:26 |
| 85 | ذو الجلال والإكرام | ദൂ അൽ ജലാലി വൽ ഇക്റാം | Tപ്രൗഡിയും മഹത്ത്വവുള്ളവൻ | 55:27, 55:78 |
| 86 | المقسط | അൽ മുക്‌സിത് | നീതി ചെയ്യുന്നവൻ | 7:29, 3:18 |
| 87 | الجامع | അൽ ജാമി | മഹത്ത്വങ്ങൾ ഒരുമിച്ച് കൂടിയവൻ | 3:9 |
| 88 | الغني | അൽ ഗനിയ്യ് | അന്യാശ്രയമില്ലാത്തവൻ | 3:97, 39:7, 47:38, 57:24 |
| 89 | المغني | അൽ മുഗ്‌നി | ഐശ്വര്യം നൽകുന്നവൻ | 9:28 |
| 90 | المانع | അൽ മാനിഅ് | തടയുന്നവൻ | 67:21 |
| 91 | الضار | അൽളാർ | പ്രയാസം നൽകുന്നവൻ | 6:17 |
| 92 | النافع | അൻ നാഫി | ഉപകാരം നൽകുന്നവൻ | 30:37 |
| 93 | النور | അൻ നൂർ | പ്രകാശിപ്പിക്കുന്നവൻ | 24:35 |
| 94 | الهادي | അൽ ഹാദി | സന്മാർഗ്ഗത്തിലാക്കുന്നവൻ | 22:54 |
| 95 | البديع | അൽ ബാദിഅ് | മാതൃക ഉണ്ടാക്കുന്നവൻ | 2:117, 6:101 |
| 96 | الباقي | അൽ ബാകി | നാശം ഇല്ലാത്തവൻ | 55:27 |
| 97 | الوارث | അൽ വാരിത് | എല്ലാറ്റിനും അന‌ന്തരാവകാശിയായവൻ | 15:23 |
| 98 | الرشيد | അർ റാഷിദ് | നേർമാർഗ്ഗത്തിലാക്കുന്നവൻ | 2:256 |
| 99 | الصبور | അസ് സബൂർ | ക്ഷമയുള്ളവൻ | 2:153, 3:200, 103:3 |
മറ്റ് ലിങ്കുകൾ
അവലംബം
- അബൂ മുഖാതിൽ - ‘അല്ലാഹു തേടുന്നത്...’