അഗസ്റ്റിൻ
മലയാളചലച്ചിത്രനടനും, നിർമ്മാതാവുമായിരുന്നു അഗസ്റ്റിൻ (മരണം: നവംബർ 14, 2013). നൂറിലേറെ സിനിമകളിൽ അഭിനയിച്ചിട്ടുണ്ട്. 1986ൽ ആവനാഴി എന്ന ചിത്രത്തിലൂടെയാണ് അഭിനയ രംഗത്തെത്തുന്നത്. രഞ്ജിത്ത് സംവിധാനം ചെയ്ത മിഴി രണ്ടിലും എന്ന ചിത്രത്തിന്റെ നിർമ്മാതാവായിരുന്നു.
അഗസ്റ്റിൻ | |
---|---|
![]() | |
ജനനം | കോടഞ്ചേരി, കോഴിക്കോട് ,കേരളം, ഇന്ത്യ[1] |
മരണം | 2013 നവംബർ 14 |
ദേശീയത | ഇന്ത്യൻ |
തൊഴിൽ | അഭിനേതാവ് |
സജീവം | 1986-2013 |
ജീവിത പങ്കാളി(കൾ) | ഹാൻസി[1] |
കുട്ടി(കൾ) | ആൻ അഗസ്റ്റിൻ, ജീത്തു |
മാതാപിതാക്കൾ | കുന്നുമ്പുറത്ത് മാത്യു റോസി[1] |
ജീവിതരേഖ
കോഴിക്കോട് ജില്ലയിലെ കോടഞ്ചേരിയിൽ കുന്നുംപുറത്ത് മാത്യുവിന്റെയും റോസിയുടെയും മകനായി ജനിച്ചു[2] . ഹാൻസി ഭാര്യയും ചലച്ചിത്രനടി ആൻ അഗസ്റ്റിൻ, ജീത്തു എന്നിവർ മക്കളുമാണു്[3].
നാടക രംഗത്തു നിന്നാണു അഗസ്റ്റിൻ സിനിമയിലേക്കു വരുന്നത്. ദേവാസുരം, സദയം, ആറാം തമ്പുരാൻ, ചന്ദ്രലേഖ,ഇന്ത്യൻ റുപ്പി തുടങ്ങിയവയാണ് അഗസ്റ്റിൻ അഭിനയിച്ച ചില പ്രധാന സിനിമകൾ. ജോയ് മാത്യു സംവിധാനം ചെയ്ത ഷട്ടർ എന്ന ചിത്രത്തിലാണു അവസാനമായി അഭിനയിച്ചത്[3].
പക്ഷാഘാതത്തെത്തുടർന്ന് ഏറെക്കാലം ചികിത്സയിലായിരുന്ന അഗസ്റ്റിൻ കരൾ രോഗം മൂലം 2013 നവംബർ 14-ന് രാവിലെ പത്തുമണിയോടെ കോഴിക്കോട്ടെ ബേബി മെമോറിയൽ ആശുപത്രിയിൽ വച്ച് അന്തരിച്ചു.[3][4]
അവലംബം
- മാധ്യമം ദിനപത്രം, 2013-11-14
- "നടനും നിർമ്മാതാവുമായ അഗസ്റ്റിൻ അന്തരിച്ചു". മലയാള മനോരമ. 2013 നവംബർ 14. മൂലതാളിൽ നിന്നും 2013 നവംബർ 14-ന് ആർക്കൈവ് ചെയ്തത്. ശേഖരിച്ചത്: 2013 നവംബർ 14.
- "നടൻ അഗസ്റ്റിൻ അന്തരിച്ചു". മാതൃഭൂമി. 2013 നവംബർ 14. ശേഖരിച്ചത്: 2013 നവംബർ 14.
- ദേശാഭിമാനി വാർത്ത